રહી જાય છે…

 

રહી જાય છે…

આંસુની ખારાશમાં, લાગણી બેસ્વાદ રહી જાય છે,

શબરીનાં બોર જેમ, કોક સંબંધ, ખાટો રહી જાય છે!

અવહેલના કરીએ છે, ક્યારેક પ્રિયજનોની,

ભુલ સમજાતાં પહેલાં, એ, તસ્વીર થઈ રહી જાય છે!

સંબંધોનાં સરવાળા કરતાં, ક્યારેક મન દુભાય છે,

ભાગાકાર કરવામાં, હંમેશા, મન અટૂલું રહી જાય છે!

“ચાહત” અને નફરત તો, સિક્કાની છે બે બાજુ,

સિક્કો ઉછાળતાં ક્યારેક, સિક્કો ઊભો રહી જાય છે!!

💕ચાહત💕

જાય છે….

 જાય છે…

વફાદારીનો, એ પાઠ શીખવી જાય છે,

પ્રાણી મુંગું, વર્તનથી, કહી જાય છે!

પ્રેમાળ એ આંખોથી, પલાળે છે મનને,

એક ઊંહકારમાં, સાનમાં સમજી જાય છે!

બટકું એક સુકી, રોટલીનું ખાઇને,

જીવનભર પડખે રહી, ઋણ ઉતારી જાય છે!

લાગણી, “ચાહત” કે પ્રેમની વ્યાખ્યાને,

જીવન સમર્પિત કરી, શીખવાડી જાય છે!!

💕ચાહત💕

થયા છે…

 થયા છે…

વન વગડાં, કોન્ક્રિટ નાં જંગલ થયા છે, 

ટહુકાં કોયલનાં, રિંગટોન થયા છે!

દુનિયા આખીની, જો વાત કરો તો, 

ઓરડાં હવે, ગ્લોબલ પ્લેટફોર્મ થયા છે!

સંબંધોમાંથી, નીતરે છે સ્વાર્થ,

લાગણી ‘ને સંવેદના, ઈમોજી થયા છે!

સફળતાની વાટ છે, એકલી અટૂલી, 

નિષ્ફળતાં મળતાં, સૌ વિમુખ થયા છે!

“ચાહત” હૃદયની, આવૃત્ત રહે છે,

હૃદયનાં તાળાં, સજ્જડ થયા છે!!

💕ચાહત💕

Happy Holi🎉

 

બાળપણ! તું હજુ, મારામાં અકબંધ છું…

 બાળપણ! તું હજુ, મારામાં અકબંધ છું…

જિંદગીની ભાગદોડમાં, ભલે પ્રવૃત્ત છું,

પણ, જિંદગીનો અવિસ્મરણીય હિસ્સો બની, જીવંત છું!

બાળપણ! તું હજુ, મારામાં અકબંધ છું!!

રૂપિયા ની નોટો પાછળ, ભલે પાગલ છું,

પણ, ખિસ્સામાં રહેલાં પરચૂરણમાં, યથાવત્ છું!

બાળપણ! તું હજુ, મારામાં અકબંધ છું!!

કદી અશ્રુ બની વહું છું, માયુસ છું,

પણ, વરસાદનાં પાણીમાં, છબછબિયાં કરવા આતુર છું!

બાળપણ! તું હજુ, મારામાં અકબંધ છું!!

માણસોની ભીડમાં, ખોવાયો છું,

પણ, મિત્રોની ટોળીની, હું શાન છું!

બાળપણ! તું હજુ, મારામાં અકબંધ છું!!

જિંદગીની સફરમાં, માર્ગ ભુલ્યો છું,

પણ, બાળપણનાં કિસ્સાઓમાં, મને મળ્યો છું!

બાળપણ! તું હજુ, મારામાં અકબંધ છું!!

વૃદ્ધત્વ ની ડગર પર, લાકડીનાં ટેકે ઉભો છું,

પણ, બાળપણની રમતમાં, હજુ એક્કો છું!

બાળપણ! તું હજુ, મારામાં અકબંધ છું!!

બસ એકવાર મળી લે “ચાહત”થી, હવે વિનવું છું,

જિવાડી દે, એ ભવ્ય ભૂતકાળ, હવે છેડે છું!

પણ, કાગળની હોડીને તરાવવાં હજુ સમર્થ છું!

બાળપણ! તું હજુ, મારામાં અકબંધ  છું!!

💕ચાહત💕

આવડી જાય છે…

 આવડી જાય છે…

ઠોકર વાગે તો, ચાલતાં આવડી જાય છે,

પડીને, જાતે ઊઠતાં આવડી જાય છે!

ધુતારાઓ લુંટે છે, તકનો લાભ લઈને,

લુંટાઈને, લોકોને પારખતાં, આવડી જાય છે!

જખ્મો ઘણીવાર, બતાવી નથી શકાતાં,

ગુપચુપ રડીને, સહેતાં આવડી જાય છે!

અસફળતા કોઈકવાર, હતાશ કરે છે,

હારીને, જીતનું મુલ્ય સમજતાં, આવડી જાય છે!

ખેંચતાણ સંબંધોમાં, કાયમ રહે છે,

જતું કરીને થોડું, જીવતાં આવડી જાય છે!

લાગણીઓનાં ગુણાકાર, જો કરીએ તો,

“ચાહત”નું મહત્વ, સમજતાં આવડી જાય છે!!

💕ચાહત💕