આમ ક્યાં...

 

આમ ક્યાં....

એક દોરો ઉકેલતાં, બીજો ગુંચવાય છે,

સંબંધ છે એ તો, આમ ક્યાં, કપાય છે?

આંસુ સુખનું તો કદી, દુ:ખનું વહી જાય છે,

આંખોની ભાષા, આમ ક્યાં, સમજાય છે?

આઘાત દિલને, એક પછી એક, મળી જાય છે,

જખ્મોની ગણતરી, આમ ક્યાં, ગણાય છે?

ચંદ્ર ઊગતાં, સુરજ છુપાય જાય છે,

સુરજ, આમ ક્યાં, ચંદ્રથી શરમાય છે?

એકલતા માણસને, ઊંડી ગર્તામાં, લઈ જાય છે,

“ચાહત” દિલોમાં, આમ ક્યાં,

 સરળતાથી અનુભવાય છે??

💕ચાહત💕

ઉજવ, આજ વર્ષગાંઠ છે!!

 

ઉજવ, આજ વર્ષગાંઠ છે!!

નવો દિવસ, નવું વરસ, 

ઉજવ, આજ વર્ષગાંઠ છે,

હૈયે ઉમંગ, દિલમાં તરંગ, 

ઉજવ, આજ વર્ષગાંઠ છે!

વધે છે વરસો, કે અનુભવો, 

કે પછી, સમીપતા મૃત્યુની?

છોડને, એ વિચાર,

ઉજવ, આજ વર્ષગાંઠ છે!

ઈચ્છાઓ, સાવ કોરી,

થાશે હવે, ચોક્કસ પુરી,

કરી લે, ખુદને તૈયાર,

ઉજવ, આજ વર્ષગાંઠ છે!

વિતી ગઈ રાત,

‘ને ઉગ્યું, સોનેરી પ્રભાત,

લઇને, આવ્યું નવી આશ,

ઉજવ, આજ વર્ષગાંઠ છે!

કોણ પોતાનાં, કોણ પરાયાં,

છોડને, બધી બબાલ,

“ચાહત” છે, તારી સાથ,

ઉજવ, આજ વર્ષગાંઠ છે!!

💕ચાહત💕

આવશે...

આવશે...

દુ:ખ એમ ક્યાં, કહીને આવશે?

સમયનું ચક્ર છે, ફરીને આવશે!

લાગણી છે, મનની એક ભાવના,

હૃદયમાં અમી, ઉભરીને આવશે!

દુભાવ્યાં હોય જો, પોતાનાંઓને,તો 

હાથનાં કર્યાં, હૈયે વાગીને આવશે!

કોણ સાંભળે છે? વાત આપણી,

બહેરાં કાને એ, અથડાઈને આવશે!

ઘોર નિરાશાઓ, ડસતી રહે છે,

આશાનું કિરણ, ચળાઈને આવશે!

પ્રાર્થના અને દુઆઓ, માંગીએ છે,

આશીર્વાદનો હાથ, લંબાઈને આવશે!

વેરઝેર થી, ભરેલાં માણસોમાં,

“ચાહત”નો સુર, 

ચોક્કસ, ગવાઈને આવશે!!

💕ચાહત💕

જિંદગી...

જિંદગી...

જન્મથી મૃત્યુમાં, સમાણી છે, તું,

જિંદગી, બે પળની કહાણી, છે તું!

આસાન નથી, કોયડાની હારમાળા, છે તું,

જિંદગી, અઘરી છે તોય, મઝાની છે તું!

અધુરાં અરમાનોની, કિતાબ, છે તું,

જિંદગી, સપનું નહીં પણ હકીકત, છે તું!

રંગબેરંગી ફુલોનું, ઉપવન, છે તું,

જિંદગી, વાસી તોય, ફુલ ગુલાબ, છે તું!

ભાવતું એક, ભોજન, છે તું,

જિંદગી, કદી ના ધરાવાય એ, વ્યંજન, છે તું!

મનપસંદ હોય, એ, ઉજવણી, છે તું,

જિંદગી, રોજ ના ઉજવાય એ, તહેવાર, છે તું!

રોજ નવી એક, આફત, છે તું,

જિંદગી, તોય, નવજીવનથી ભરપૂર,

એક, “ચાહત”, છે તું!!

💕ચાહત💕

લાગે છે...

 

લાગે છે...

કોનો આ, એક અણસાર લાગે છે,

હૃદય ઉપર, જાણે ભાર લાગે છે!

શ્વાસ બની કોઈ, ધબકતું રહે છે,

કોનો આ, ઉચ્છ્વાસ લાગે છે?

ખીલી રહી છે વસંત, સોળે કળાએ,

પાનખર બની કોણ, પાસ લાગે છે!

ભુલી ભુલાય નહીં, કયાં કોઈ વાત,

વાતનો એ દોર, કોઈ ખાસ લાગે છે!

દિલ પર દસ્તક, વાગતી રહે છે,

આવનજાવન કોઈ,  ખાસ લાગે છે

તસ્વીર કોઈની, આંસુ બની વહે છે,

આંસુ ને દિલ વચ્ચે, કંઇ ખાસ લાગે છે!

એમ ક્યાં ભુલાય છે, પહેલી “ચાહત”,

પહેલી નજરનો પ્રેમ,

એમજ ક્યાં, ખાસ લાગે છે!!

💕ચાહત💕