લે, આવી ગયું, ૨૦૨૨!!

 લે, આવી ગયું, ૨૦૨૨!!

છોડી દે, જિંદગીથી રીસ,

જીવી લે તું, “એટીસ”!

લે, આવી ગયું, ૨૦૨૨!

ત્યાગી દે, મનની “કશિશ”,

કરી લે તું, સવાવીસ!

લે, આવી ગયું, ૨૦૨૨!

છોડી દે, સૌની “મસકાપોલિશ”,

કરી લે તું, ખુદને ખુશ!

લે, આવી ગયું, ૨૦૨૨!

ભુલીજા તું, સૌની “ખ્વાઈશ”,

કરી લે, પુર્ણ તારી “ખ્વાઈશ”!

લે, આવી ગયું, ૨૦૨૨!

માફ કરી દે, બની “માણસ”,

બની જા, મુઠ્ઠી ઊંચેરો “ઈશ”!

લે, આવી ગયું, ૨૦૨૨!

ભુલીને ભેદભાવ, તું  હસ,

કરી લે મનથી, “ચાહત” સરસ!

લે, આવી ગયું, ૨૦૨૨!!

💕ચાહત💕

બધાં છે ને….

 બધાં છે ને..!!

શોધ તારાં ગુણોને, તું જાતે,

અવગુણો શોધવા, બધાં છે ને!

આગળ ચાલ, તું મંજીલ પામવા,

પાછળ તને પાડવા, બધાં છે ને!

ઉડાન ભર ઊંચી, સપનાંઓની,

નીચે તને પછાડવા બધાં છે ને!

પ્રગટાવ જ્યોત, આશાની દિલમાં,

હતાશ તને કરવા, બધાં છે ને!

સફળતાને ચુમી લે, પ્રયત્ન કરીને,

ઈર્ષાથી સળગવા, બધાં છે ને!

કર્મ કર્યે જા તું, પુરી નિષ્ઠાથી,

ફળ તારું લેવાં, બધાં છે ને!

“ચાહત”થી જીવી લે, મન મુકીને,

નફરત તને કરવા, બધાં છે ને!!

💕ચાહત💕

રહ્યું છે..!!

 રહ્યું છે…!!

કોણ હંમેશા, પોતાનું રહ્યું છે?

અંગત થઈ, કોઈ કાતિલ રહ્યું છે!

પુછાતાં રહે છે, સવાલો રોજ,

જીવન એક, ઉખાણું રહ્યું છે!

સંબંધોની ઘેરી માયાજાળમાં,

દિલ હંમેશા, બિચારું રહ્યું છે!

બનાવટ ‘ને, ફરેબની દુનિયામાં,

દિલમાં ખંજર, કાયમી રહ્યું છે!

પ્રેમનો ઇતિહાસ, જો તપાસો,

કૃષ્ણ ‘ને રાધા, નામ સાથે રહ્યું છે!

લૈલા મજનુ, કે શીરી ફરહાદ,

“ચાહત” થઈ, કોઈ અમર રહ્યું છે!!

💕ચાહત💕