ચાલ આજ, મારા માટે થોડું, હું જીવી લઉં...

Dedicated to all ladies😊🙏🏻

 ચાલ આજ, મારા માટે થોડું, હું જીવી લઉં!!

ચાલ આજ મારા માટે થોડું, હું જીવી લઉં,

થોડું હસી દઉં કે થોડી, મીઠી વાત, વાગોળી લઉં?

કે પછી, મારામાં છુપાયેલી મને, હાય-હલો કરી બોલાવી લઉં?

ચાલ આજ, મારા માટે થોડું, હું જીવી લઉં!

રોજિંદી આ ઘટમાળને, બે ઘડી તોડી દઉં,

કે, બે ક્ષણ ઊભા રહીને, જાતને સવારી લઉં?

કે પછી, આયનામાં દેખાતાં પ્રતિબિંબ ને, પ્રેમથી વધાવી લઉં?

ચાલ આજ, મારા માટે થોડું, હું જીવી લઉં!

વાળોની એ સફેદીને, મેઘધનુષી રંગે રંગી દઉં,

કે, ચહેરાની એ કરચલીઓને, ખડખડાટ હાસ્યથી વિખેરી દઉં?

કે પછી, ચશ્માં ની એ જોડથી, અવનવી દુનિયા નિહાળી લઉં?

ચાલ આજ, મારા માટે થોડું, હું જીવી લઉં!

રસોડામાં વીતેલાં વર્ષોને, સજાવીને શણગારી દઉં,

કે, ધુમાડાથી ભરાયેલાં ફેફસાંને, ઊંચી હલકથી ગાઈને ખંખેરી દઉં?

કે પછી, કરમાયેલાં એ હાથ થી, સુંદર ચિત્ર દોરી મઢાવી લઉં?

ચાલ આજ, મારા માટે થોડું, હું જીવી લઉં!

કુકરની સીટી થી, ગુંજતા એ કાનને, મનગમતું ગીત કોઈ સંભળાવી દઉં,

કે, મનપસંદ ધુન પર, આમજ બેધ્યાન થઈ, તાલીઓનાં તાલે નાચી લઉં?

કે, દિકરી, માં કે ગૃહિણી નાં સ્વાંગ ને, પળભર માટે ત્યજી દઉં?

કે પછી, “ચાહત” નાં શ્વાસ ને, ભરીને ઉરમાં, 

ખુદ મારી પીઠ, થપથપાવી દઉં??

ચાલ આજ, મારા માટે થોડું, હું જીવી  લઉં!!

💕ચાહત💕

હું, એક માણસ છું...

 હું, એક માણસ છું...

હાડ ચામડાંનો, માળો છું,

હું, એક જીવતો માણસ છું!

સંબંધોમાં, અટવાયો છું,

હું, એક સરળ માણસ છું!

જિંદગીથી, હેવાયો છું,

હું, હર પળ મરતો માણસ છું!

સૌનાં રંગે, રંગાયો છું,

હું, એક રંગહીન માણસ છું!

જીદને મારી, પોષનારો છું,

હું, એક સ્વાર્થી માણસ છું!

સૌનાં, બોલ ઝીલનારો છું,

હું, એક અલગારી માણસ છું !

આ જગનો, પ્રવાસી છું,

હું, પળ બે પળનો, માણસ છું!

“ચાહત” થી, બંધાયો છું,

હું, એક ધબકતો માણસ છું!!

💕ચાહત💕

 

હશે...

I am very happy and feeling proud to publish my 100th creation today😊

I hope that, I will get the same support, love and encouragement from all of you😊

Please, do like, comment and follow me and please, do share my blog with your friends and families 🙏🏻

🙏🏻Thank you🙏🏻

હશે...

મારો પણ, એવો એક દિવસ હશે,

ગગનમાં ચમકતો મારો, સિતારો હશે!

તાળીઓનાં, ગડગડાટમાં,

એક નાદ, મારાં નામનો  પણ હશે!

શબ્દો અને વાક્યોનો, સુભગ સમન્વય હશે,

રોજ નવાં વિચારોનો, પુનર્જન્મ હશે!

એક એવી રચના, જે હંમેશા અમર હશે,

અમૂલ્ય એ, વાંચક સાથેનો સંબંધ હશે!

મોટાં ધુરંધરોના નામ સાથે,

એક નામ “ચાહત” પણ હશે!

ને વળી, કોઈ ચાહક માંગતું,

મારાં, હસ્તાક્ષર પણ હશે!

પ્રસિદ્ધિ અને પ્રસંશા, ચારેકોર હશે,

સંખ્યાબંધ કૃતિઓની, હારમાળા હશે!

રિધ્ધી અને સિધ્ધી, રહેતી સંગ હશે,

આ કલ્પના, જો સાચ્ચે હકીકત હશે!!

💕ચાહત💕

હું, જ તો...

 હું, જ તો...

જીવાય ના કદી જેના વગર, 

એ અનોખો અહેસાસ છું,

રોજબરોજની જિંદગીને, 

જીવવાનું બહાનું ખાસ છું!

ભરી લે શ્વાસ માં, 

મારાં અહેસાસનો દરિયો, 

સરી જતી એ જિંદગીનો, 

હું, જ તો સોનેરી આભાસ છું!

ચોમેર, અંધારા ઉલેચતાં, 

આ વિરાટ જગમાં,

ઝળહળતો એક,

 દીવાદાંડી સમો પ્રકાશ છું!

શંકા અને શ્રધ્ધા નાં,

અવિરત સંઘર્ષ માં,

હું જ તો ફક્ત,

એક તારો વિશ્વાસ છું!

જીવી લે જિંદગી ને, 

“ચાહત” થી તારી,

હું, આશાનું એક કિરણ જ,

તો, તારા જીવવાનું, એક કારણ ખાસ છું!!

💕ચાહત💕

એક, વળગણ...

 એક, વળગણ...

એક વળગણ આદતનું, 

ઘર એવું કરી ગયું,

સાથ એના હોવા વગર, 

જીવન સુનું પડી ગયું!

એક વળગણ આંખોનું, 

પલકોને ભારી પડી ગયું,

ઝલક એક જોયા વગર, 

આંસુ પણ, કોરું વહી ગયું!

એક વળગણ મિલનનું, 

સમયને, ભારી પડી ગયું,

વિરહની વેદનાને,

આત્મસાત કરી ગયું!

એક વળગણ “ચાહત”નું, 

દિલને ભારી પડી ગયું,

ધડકન વગર હૃદય, 

જાણે સાવ, ખાલી થઈ ગયું!

💕ચાહત💕