સંબંધ...

 

સંબંધ...

કદીક, મધ શો મીઠો રહેતો, 

તો કદીક, કારેલાં શો કડવો,

અનેક, મુખવટાઓ પહેરી,

સૌને, બાંધતો એ સંબંધ!

કદીક, ભાઈનાં સ્નેહ થી ભીંજાતો,

તો કદીક, બહેનીનાં અબોલાથી રિસાતો,

પછી, વળી ચોકલેટ થી રિઝાતો, 

ભાઈ બહેનનો, એ સંબંધ!

કદીક, માંના પાલવથી બંધાતો,

તો કદીક, પિતાનાં અનુશાસન થી અકળાતો,

તોય, સ્નેહથી વારી જાતો,

માત પિતા સાથેનો, એ સંબંધ!

કદીક, દોસ્તો પર વારી જાતો,

તો કદીક, કોઈક વાત પર અડી જાતો,

સાંજે વળી, એકસાથે કોફી પીતો,

ઋણાનુબંધ નો, એ સંબંધ!

કદીક, પત્ની નાં નખરામાં અનુભવાતો,

તો કદીક, પતિના ગુસ્સામાં સંભળાતો, 

અબોલામાંય, એકમેકનો ખ્યાલ રાખતો, 

સાત જન્મોનો, એ સંબંધ!

કદીક, પ્રેમી નાં પાશમાં બંધાતો,

તો કદીક, પ્રેયસીની રાહમાં ઝૂરતો,

વળી, સોનેરી સપનાંઓ ગુંથતો,

પ્રેમ નો, એ સંબંધ!

કદીક, વાંચકોનાં સ્નેહ થી તણાતો,

તો કદીક, ટીકાઓ થઈ વખોડાતો,

ને, આભારવશ થઈ, નમન કરતો,

“ચાહત” ને વાંચક નો, એ સંબંધ!!!

💕ચાહત💕