નથી શકાતો...

 નથી શકાતો...

સાથ છોડીને પણ, સંબંધ તોડી નથી શકાતો,

વિતેલા સમયને, ફરીથી, જીવી નથી શકાતો!

જખ્મ ઊંડો અપાય છે, જ્યારે અંગત દ્વારા,

ચહેરો એ, જીવનભર ભુલી નથી શકાતો!

ચડાવ ઉતાર માનવીને, જીવતાં રાખે છે, હંમેશા,

ધડકે ના હૃદય તો, માણસ જીવંત, કહી નથી  શકાતો!

ખુંચે છે આંખોમાં ક્યારેક, કસ્તર બનીને કોઈ,

આંસુઓનો દરિયો, ત્યારે, રોકી નથી શકાતો!

ખરે છે, દરેક પાંદડા પાનખરમાં, પીળા બનીને,

વૃક્ષનો સંબંધ પર્ણ સાથે તોય, તોડી નથી શકાતો!

કોઈકવાર “ચાહત” માં, ઘવાય છે નાજુક દિલ,

પ્રેમ નો નાતો તોય, હૃદય થી, તોડી નથી શકાતો!!

💕ચાહત💕

વિચારો કે, જે વિતી ગઈ, એ વાત ગઈ....

 વિચારો કે, જે વિતી ગઈ, એ વાત ગઈ....

કોઈ એક, આંખનો તારો હોય, 

આપણને ખુબજ, પ્યારો હોય,

એ ખરી જાય, તો શું થયું?

કેટલાંય એવાં, તારા ખર્યાં, 

તોય, કદી ના, ગગને આંસુ સાર્યાં!

વિચારો કે, જે વિતી ગઈ, એ વાત ગઈ....

કોઈ એક, જીવનનું ધ્યેય હોય,

આપણાં જીવનનું, અંતિમ લક્ષ્ય હોય,

એ નિષ્ફળ જાય, તો શું થયું?

કેટલાંય એવાં, પ્રયત્નો હાર્યાં,

તોય, કદી ના, મનથી હિંમત હાર્યાં!

વિચારો કે, જે વિતી ગઈ, એ વાત ગઈ....

કોઈ એક, એવી ડગર હોય,

આપણી એ, મંઝીલ હોય,

શોધતાં એને, ખોવાઈ જવાય, તો શું થયું?

કેટલાંય એવાં, ઢોળાવ આવ્યાં,

તોય, કદી ના, ચરણ થાક્યાં!

વિચારો કે, જે વિતી ગઈ, એ વાત ગઈ....

કોઈ એક, લાગણીની છોળ હોય,

આપણી એ, જીવાદોર હોય,

નિભાવતાં એને, તુટી જાય, તો શું થયું?

કેટલાંય અધુરાં, અરમાનો હોય,

પણ, “ચાહત” મનની, જો પુરી થાય....

તો, વિચારો કે, વિતી ગઈ, એ વાત ગઈ....

💕ચાહત💕

બને છે...

 બને છે...

ઘટનાઓ જીવનમાં, આમ, બને છે,

કોરા કાગળ પર, જાણે ચિત્ર, બને છે!

આંસુથી, ઘેરાયેલી પાંપણો ઉપર,

જખ્મોનાં, ખુબ લાંબા તોરણ, બને છે!

જીવનમાં મળેલાં, અનેક લોકોમાં,

કોઈ એક ચહેરો, ખાસ, બને છે!

કહેવાતાં અનેક, વિવિધ સંબંધોમાં,

ઋણાનુબંધ થી મિત્ર, ખાસ બને છે!

ભોળું એ શૈશવ, ને, મિત્રોની ટોળીથી,

જીવન એકદમ, યાદગાર બને છે!

અથાક પ્રયત્ન, ને, દ્રઢ મનોબળથી,

“ચાહત” અધુરી, હંમેશા, પુર્ણ બને છે!!

💕ચાહત💕

રાખું છું...

🙏🏻ફાગણ સુદ પૂનમ હોળી ના પર્વ ની હાર્દિક શુભેચ્છાઓ🙏🏻

રાખું છું...

ભુલીને સૌ ભેદભાવ, 

હોળીનો એક, ખયાલ રાખું છું,

રંગે જે ખુદને પ્રેમ માં,

 એ ગુલાબી ગુલાલ, રાખું છું!

ક્રોધ નાં પીળા, અને લાલ રંગને, 

મુઠ્ઠીમાં રાખું છું,

શાંતિ લાવે ચિરકાળ, 

એ, સફેદ રંગને પાસ, રાખું છું!

હરિયાળા એ લીલા રંગની,

 ગઝલ ખાસ, રાખું છું,

દિલને ગમી જાય એવાં, 

શબ્દો સુંવાળા લાલ, રાખું છું!

રંગોળી લાગણીઓની, 

ફાગણિયા રંગથી પુરી, રાખું છું,

ખુદને જે ગમે, એ રંગ, “ચાહત”નો, 

દિલમાં ખાસ, રાખું છું!!

💕ચાહત💕 

મળે છે...

 મળે છે...

કદીક, કોઈકવાર, કશુંક, આમજ મળે છે,

વિચાર્યું પણ ના હોય, ત્યાં સ્મારક, મળે છે!

ખોતરીએ જો કદી, હૃદયનાં જખ્મો પુરાણાં,

બે ચાર અંગત નામો, કાયમ, મળે છે!

પડતાં આખડતાં, આપણી મંઝીલ શોધતાં,

કદીક, કોઈક કેડી, અચાનક મળે છે!

બહુરૂપી ચહેરાંઓ ની, અડાબીડ ભીડમાં,

કોઈ એક ચહેરો, આપણાં જેવો, મળે છે!

લાગણીઓનો વ્યાપાર, છે સંબંધો,

“ચાહત” થી તરબતર દિલ, ક્યાંક જ, મળે છે!!

💕ચાહત💕