હથેળીમાં, જો મારી ...

 

હથેળીમાં, જો મારી ...

હથેળીમાં જો મારી, 

હશે કોઈ હસ્તરેખા, 

એમાં, નામની તારી!

જીવન ની રેખા,

 કે, મસ્તિષ્ક રેખા,

 કે પછી, કરામત હશે કોઈ ન્યારી!

ગ્રહોના પર્વતો ને, 

ત્રિભુજ ચિહ્નો, 

કે, હશે કોઈ ભાગ્ય રેખા સારી!

ચંદ્ર ની નિશાની, 

કે, લગ્નની રેખા,

કે, પછી કોઈ અજબ નિશાની!

મિલનની આશા 

કે, વિયોગ જનમનો,

કે, પછી કોઈ પ્રેમની, નવી કહાની!

હથેળીમાં જો મારી, 

જરુર હશે, કોઈ પ્રણય રેખા, 

એમાં, નામની તારી!!!

💕ચાહત💕

દીધી છે...

 દીધી છે...

આંગળીને ટેરવે, ઉઠાવી લીધી છે,

ગોવરધને પણ, આજ આંગળી નમાવી દીધી છે,

દુનિયાને, આમજ ઓરડાની વચ્ચે હવે લાવી દીધી છે!

જીવવાની રીત, બદલાવી દીધી છે,

મળવાની પ્રથા, બંધ કરાવી દીધી છે,

સામાજિકતાની, વ્યાખ્યા હવે બદલાવી દીધી છે!

હતાશાને, મનમાં ઘર કરાવી દીધી છે,

એકલતા ને સાથી, બનાવી દીધી છે,

મનની પરિસ્થિતિને, ડામાડોળ કરાવી દીધી છે!

લાગણી ને “ચાહત”, ભુલાવી દીધી છે,

નફરત અને ઈર્ષાને, ઋદય માં સ્થાપી દીધી છે,

“વસુધેય કુટુંબકમ”ની ભાવના, યાદ કરાવી દીધી છે!

જિંદગી, તેં ખરેખર, 

માણસને, એની જગ્યા બતાવી દીધી છે!!!

💕ચાહત💕

Small Bytes!!!

    💕

અસ્પષ્ટતા, જીવનમાં આજે એવી વણાઈ ગઈ છે,

જિંદગી જાણે સૌથી, રિસાઈ ગઈ છે!!!                    

   💕

જિંદગી, ટુકડાઓમાં જીવાતી રહી,

ઉંમર, એમ સાલોમાં કપાતી રહી,

આભાસી દુનિયા, મોબાઈલમાં સમાતી રહી,

અને “ચાહત”, બસ “ઈમોજી” માં મપાતી રહી!!!                           

💕

પારકાંનેય પોતાના કરતી,

પારકી થાપણ એ કહેવાતી,

હૈયે બાપના, સદાયે વસતી,

માનું પ્રતિબિંબ થઈ ફરતી,

સૌને સદા, હેતથી ભીંજવતી,

જયાં જાય, ત્યાં અજવાળા પાથરતી,

દીકરી વહાલનો દરિયો કહેવાતી!!!

💕

રાધા...

 રાધા...

એક સુરીલું નામ, રાધા,

કૃષ્ણનો પર્યાય એ રાધા!

વાંસળીનો કોઈ સુર, રાધા,

કૃષ્ણ નામે એક ગીત, એ રાધા!

યમનાનું વહેતું નીર, રાધા,

શ્યામનું મોરપીંછ, એ રાધા!

વિરહની મુર્તિ રાધા,

પ્રાણવલ્લભ નો પ્રાણ, એ રાધા!

આખેઆખો, ગ્રંથ રાધા,

માધવ નો અનુવાદ, એ રાધા!

કાન્હાનો આત્મા રાધા,

કૃષ્ણમાં એકાકાર, એ રાધા!

કૃષ્ણ પહેલાં, નામ લેવાય, રાધા!

પ્રેમની પરાકાષ્ઠા, એ રાધા!!! 

જગતનો રખેવાળ, કાન્હા,

જગતનિયંતાનો, આધાર એ રાધા!!!

   💕ચાહત💕

શબ્દ...

શબ્દ...

શબ્દ ની પણ, એક સુંદર દુનિયા હોય છે,

વાક્ય પણ ત્યાં, વિરામ લેતાં હોય છે!

જોડણી ને વ્યાકરણની, એક છટા હોય છે,

અર્થ આમજ કયાં, બધાં મિથ્યા હોય છે!

અલ્પવિરામ જિંદગીના, મધુરાં હોય છે,

આમજ કયાં, સફળતાનાં પગથિયાં રેઢાં હોય છે!

પુણઁવિરામ, સફરનાં અંતમાં હોય છે,

જિંદગી,  ત્યાં કરતી અલવિદા હોય છે!!!

         💕ચાહત💕

Small Bytes!!

લાગણી ને તારી, 

ચાખી એમ “ચાહત”થી મારી,

જાણે, ભરેલી એક સ્વાદિષ્ટ થાળી,

ભોજનની ભારી!!!

💕

આછેરું એ સ્મિત ને, આંખનો ઉલાળો,

અને પીળો એ રૂમાલ, હજુ યાદ છે!

અજાણતાં, અડકેલી એ પાલવની કોર,

અને, હળવેથી થયેલો એ સ્પર્શ હજુ યાદ છે!!!

💕

મારું કે તમારું ભુલીને,

કેમ ના વિચારીએ આપણું???

ભુલીને ભેદ સઘળાં,

કેમ ના કરીએ “ચાહતો” નું તાપણું???

💕

હું બહુ સિમિત છું, મારા શબ્દોમાં,

પણ બહુ વિસ્તૃત છું તમારા અર્થ માં!!!

💕

ખુદને મળે જાણે, આમ વરસો વિતી ગયાં,

સમયનાં કાંટા, બસ આમજ થંભી ગયાં!

હારજીતની લડાઈમાં, પરયતન અટકી ગયાં,

સફળતા નાં પાટા, એની ડગર ભુલી ગયાં!

તકદીરના નામે, મધુર સપનાં થાકી ગયાં,

શબ્દોના સરનામે, અમે જંગ જીતી ગયાં!!!

💕

ક્યારેક એવું પણ બને કે,

રસ્તે ચાલતા બાળપણ પાછું મળે,

તો ક્યારેક, પાનખરની પીળાશમાંથી,

 ભુલાયેલી એક વસંત પાછી મળે!!!

  

 💕ચાહત💕

તારી ને મારી એ મિત્રતા!!!

 તારી ને મારી એ મિત્રતા!!!

તારી ને મારી એ મિત્રતા, 

દિલથી દિલના, તારની છે, અખંડતા!

તારી ને મારી એ મિત્રતા, 

શબરી ના એંઠા બોર સમી, એ મધુરતા!

તારી ને મારી એ મિત્રતા, 

સુદામાના તાંદુલ સમી, એ અમીરતા!

તારી ને મારી એ મિત્રતા, 

ઝાંકળની ચિરકાળ છાપ સમી, એ રુજુતા!

તારી ને મારી એ મિત્રતા, 

મૌસમના પહેલા વરસાદ સમી, શીતળતા!

તારી ને મારી એ મિત્રતા, 

ચહેરા પર, શિશુના ભાવ સમી, નિખાલસતા!

તારી ને મારી એ મિત્રતા, 

લોહીના સંબંધથી પર, જનમોજનમ ની ઋણાનુબંધતા!!!

💕ચાહત💕

શીખી લીધું.....

 શીખી લીધું.....

દરેક ક્ષણને મેં માણતાં, શીખી લીધું,

સમયને, માન આપતાં શીખી લીધું,

નિરાશાઓ મળી હજારો છતાં, 

આશાઓની ઉડાન ભરતાં શીખી લીધું!

શબ્દોને અર્થ પામતાં, શીખી લીધું,

દરેક શેરને દાદ આપતાં, શીખી લીધું,

અધુરી રહી અનેક રચના છતાં,

આજ મેં જાતે રચતાં, શીખી લીધું!

નફરત ને જલન સહેતાં, શીખી લીધું,

જાત સાથે સંવાદ કરતાં, શીખી લીધું,

સવાલો ઊઠ્યાં હજારો છતાં,

મેં ખુદને પ્રેમ કરતાં, શીખી લીધું!!!

💕ચાહત💕