ના કહો કદી, કે...

 ના કહો કદી, કે...

ના કહો કદી, કે, દિવસ ખરાબ છે,

કહો બસ એટલું કે, સવાર કાલે, ઉગવાની, વાર છે!

ના કહો કદી, કે, સફર કઠિન છે,

કહો બસ એટલું કે, નવી કેડી, કંડારવાની વાર છે!

ના કહો કદી, કે, સંબંધમાં સ્વાર્થ છે,

કહો બસ એટલું કે, લાગણીને પારખવાની, વાર છે!

ના કહો કદી, કે, જીવન હતાશ છે,

કહો બસ એટલું કે, ઉત્સાહ નો સંચાર થવાની, વાર છે!

ના કહો કદી, કે, હૃદયમાં લાગણીનો અભાવ છે,

કહો બસ એટલું કે, “ચાહત” ને શોધવાની, વાર છે!!

💕ચાહત💕

‘ને, સંબંધ, વેન્ટિલેટર પર મુકાય છે...

 ‘ને, સંબંધ, વેન્ટિલેટર પર મુકાય છે...

સદી, જેમ બદલાય છે,

માનવતાનાં મુલ્યો, ઓછાં થતાં જાય છે,

‘ને, સંસ્કાર, વેન્ટિલેટર પર, મુકાય છે!

સમય, જેમ બદલાય છે,

લાગણીની વ્યાખ્યા, બદલાતી જાય છે,

‘ને, વિશ્વાસ, વેન્ટિલેટર પર, મુકાય છે!

સ્વભાવ, જેમ બદલાય છે,

જીભની કડવાશ, વધતી જાય છે,

‘ને, સંબંધ, વેન્ટિલેટર પર, મુકાય છે!

દિલનાં ભાવ, જેમ બદલાય છે,

ધડકનની ગતિ, ઉપર નીચે, જાય છે,

‘ને, હૃદય, વેન્ટિલેટર પર, મુકાય છે!

વરસ, જેમ બદલાય છે,

ઉંમર, વધતી જાય છે,

‘ને, સહનશક્તિ, વેન્ટિલેટર પર, મુકાય છે!

સુખની પરિભાષા, જેમ બદલાય છે,

નફરત, ઈર્ષા ને જલન, વધતાં જાય છે,

‘ને, “ચાહત”, વેન્ટિલેટર પર, મુકાય છે!!

💕ચાહત💕

Author of the Month March Award😊

Very proud, to announce that, I have been awarded “Author of the Month for March for my poem😊

Thank you, for support and encouragement 🙏🏻🙏🏻

તું, જોને...

 

તું, જોને...

પાત્ર, ભલે અડધુ છે ખાલી,

પણ, તરસ, અડધાંથી બુઝાય છે, એ જોને!

અડધાં ખાલીની ચિંતા છોડ, અડધુ ભરેલું પાત્ર,

તું, જોને!!

સો વાત, ભલે છે ખરાબ,

પણ, બે સારી વાતથી, મન છે ઉભરાય, એ જોને!

નકારાત્મક અભિગમ છોડ, સકારાત્મક બે વાત, 

તું, જોને!!

સમય, ભલે છે, કુ્ર આજે,

પણ, કાળચક્ર હંમેશા, ફરે છે, એ જોને!

કાલની ચિંતા છોડ, ને આજમાં, ચેનથી જીવી, 

તું, જોને!!

દરેક માણસમાં, કંઈક હોય છે, ખરાબ,

પણ, ગુણ એનામાં, હશે બીજાં, એ જોને!

દરેક સિક્કાની, છે બીજી બાજુ, સારી બાજુ, 

તું, જોને!

ભલે મળે, લાખો નિરાશાઓ, 

પણ, હિંમત રહે છે, અકબંધ, એ જોને!

એક આશા, છુપાયેલી ક્યાંક, જોવા મળે છે, 

તું, જોને!

હોય ભલે, ઘનઘોર વાદળ, કાળાં,

પણ, કિરણ એક, હોય છે ચિરતું, એ જોને!

દરેક વાદળની, હોય છે, રૂપેરી કોર, 

તું, જોને!!

નફરતનાં બીજ, ભલે ને ઉગતાં,

પણ, “ચાહત”નાં મુળ, જશે ઊંડા, એ જોને!

માનવતા મહેંક પ્રસારતી, ફરી જોવા મળશે, 

તું, જોને!!

💕ચાહત💕

જાય છે...

જાય છે...

ચાર આંખો મળે ને, પ્રેમ થઈ જાય છે,

નિભાવતાં એને, જિંદગી વહી જાય છે!

સપનાંઓ પ્રણયમાં, લાગે છે રંગીન,

પ્રણયભગ્ન થતાં, હકીકત, સામે આવી, જાય છે!

સ્વાર્થથી ભરેલી, આ બહુરંગી દુનિયામાં,

નિ:સ્વાર્થી એક શોધતાં, દમ નીકળી, જાય છે!

રુઝાય છે જખ્મો, હૃદયનાં બધાંય,

એક જ ઘા દુઝતો, બસ રહી, જાય છે!

અનુભવો શીખવાડે છે, જીવન જીવતાં,

આવડત પોતાની ક્યાં, કામ કરી, જાય છે!

લાગણીઓ તો, મુડી છે આપણાં હૃદયની,

“ચાહત” વિના, ક્યાં, જીવન જાય છે!!

💕ચાહત💕

કોને, ખબર!!

 કોને, ખબર!!

હસી લો આજ, કઇ પળ, જીવીશું છેલ્લી?

કોને, ખબર!

જીવીએ છે આજ, ખીંટીએ લટકીશું, કાલ?

કોને, ખબર!

રોજ થાય છે સંધ્યા, ને ફરી ઉગે નવી સવાર,

સુરજનું, કયું કિરણ, જોઈશું, છેલ્લી વાર?

કોને, ખબર!

ધડકે છે, હૃદય હર પળ, ને ચાલે છે જીવન,

કયો શ્વાસ, આપણે લઈશું, છેલ્લી વાર?

કોને, ખબર!

ભુલી જાઓ અહમ, ને ત્યજી દો વેરઝેર ને ઈર્ષા,

કઈ મુલાકાત કરીશું, સ્વજનો સાથે, છેલ્લી વાર?

કોને, ખબર!

કરી લો “ચાહત”, ને, છોડી દો મમત, 

‘ને, માંગી લો, પ્રેમની ભિક્ષા, 

રહીશું કહેવા, કરી દો માફ, કોને ખબર!!

💕ચાહત💕