નથી હોતી…

નથી હોતી…

સપનાંઓ પુરાં કરવાની, કોઈ ઉંમર નથી હોતી,

હોય હામ જો હૃદયમાં, હારની ફીકર નથી હોતી!

ઘડાય છે ધાતુ, ધખધખતી એરણ પર ચડીને,

ચોવીસ કેરેટની શુધ્ધતા પામવી, સહેલી નથી હોતી!

આંગળી પકડીને માં બાપની, ચાલતાં શીખે છે બાળક,

ઘડપણમાં લાકડી, દરેકનાં નશીબમાં નથી હોતી!

સાચી લગન ‘ને ધગશ, અપાવે છે સફળતા જીવનમાં,

કશુંક પામવાની “ચાહત”, દરેકનાં સ્વભાવમાં નથી હોતી!!

💕ચાહત💕 

નથી હોતાં…

 નથી હોતાં…

શૂન્યની રકમનાં, કાંઈ સરવાળા નથી હોતાં,

ધખધખતાં રણમાં, ફુલોનાં નઝારા નથી હોતાં!

વાગી જાય છે, શબ્દોની કટાર હૃદય ઉપર,

બાકી, મન બધાનાં આમજ કાંઈ, આળા નથી હોતાં!

ઉબડખાબડ રસ્તે, વહેવું પડે છે સરિતાને,

સંગમ સાગર તણાં એમ, સહેલાં નથી હોતાં!

ચડીને કેટલીય વાર, ચત્તાપાટ પડવું પડે છે,

શિખર સર કરવાં, કાંઈ આસાન નથી હોતાં!

“ચાહત”થી અહીં કાયમ, જીવતાં રહેવું પડે છે,

દરેક સંબંધમાં, સ્નેહનાં સરવાળાં નથી હોતાં!!

💕ચાહત💕

જાય છે…

 જાય છે…

આંસુ છે! સુખ દુ:ખમાં, કાયમ વરસી જાય છે,

પાંપણોનાં તોરણે, શણગાર સરજી જાય છે!

નફો કે ખોટ, રમત છે લાગણીની જીવનમાં,

 દિલ, એમાં આખરે બાજી હારી જાય છે!

ચોરે અને ચૌટે, બોલબાલા છે, આડંબરની,

સત્ય કે સચ્ચાઈ, ક્યાંક ઝાંખી કરી જાય છે!

ઇર્ષા, વેરઝેર, “ચાહત”, પ્રેમ, કે, નફરત,

સ્વભાવ માણસનો, કાયમ, સવાલ કરી જાય છે!!

💕ચાહત💕

જિંદગી, મેં આમજ તને એક ટપાલ લખી છે!

ટપાલ દિવસની શુભકામનાઓ😊🙏🏻

 જિંદગી, મેં આમજ તને એક ટપાલ લખી છે!

લાગણીનાં સરનામે ને,

 શબ્દો નાં મુકામે,

“ચાહત”થી ભરી, 

 એક યાદ લખી છે,

જિંદગી, મેં આમજ તને એક ટપાલ લખી છે!

દિલની વ્યથાને ને,

મનની મુંઝવણોને,

કાગળ પર ચિતરી,

કમાલ કરી છે,

જિંદગી, મેં આમજ તને એક ટપાલ લખી છે!

સુખની ઝરમર ને,

દુખ, ને દિલ્લગી ને,

હૈયામાં સંઘરી,

હિંમતથી હલાલ કરી છે,

જિંદગી, મેં આમજ તને એક ટપાલ લખી છે!

નફરતનાં સુરો ને,

પ્રેમ  ની સરગમ થી,

ગીતોમાં ઢાળીને,

સુરાવલી છેડી છે,

જિંદગી, મેં આમજ તને એક ટપાલ લખી છે!!!

💕ચાહત💕

નથી દેતા…

 નથી દેતા…

જીવતા નથી પોતે ‘ને, જીવવા નથી દેતા,

અમુક સંબંધો જીવનમાં, ઠરવા નથી દેતા!

લાગણીઓની શુળ, કાયમ ભોંકાયા કરે છે,

અમુક જખમ ઘા, હંમેશા ભરાવા નથી દેતા!

સુગંધીદાર ફુલોથી, મહેકે છે આખું ઉપવન,

અમુક ફુલ એની, સુગંધ પ્રસરવા નથી દેતા!

ચડાવઉતાર જીવનનાં, આવ્યા જ કરે છે,

અમુક નિષ્ફળ પ્રયત્નો, ઉંઘવા નથી દેતા!

શબ્દોનાં તીર ઘાયલ, કરે છે કોમળ હૃદયને,

અમુક ન બોલાયેલ વાક્યો, જંપવા નથી દેતા!

હદથી વધારે પ્રેમ, ગુંગળાવે છે સંબંધને,

 અમુક “ચાહત” નાં પ્રસંગો, જીવવા નથી દેતા!!

💕ચાહત💕