નીકળે…

 નીકળે…

ખોતરો જો દિલને, ખજાનો નીકળે,

વિતેલો યાદગાર, એક જમાનો નીકળે!

યાદોનાં સહારે, જીવાય છે જિંદગી,

કોઇ એક, દુઝતો જખમ પણ નીકળે!

વિતે છે વરસો, દોડતાં ભાગતાં,

ઉંમર એક, કરચલી બની નીકળે!

હાસ્યની પાછળ, આંસુ હોય છે છુપાતાં,

ચહેરા પર ચહેરો, મહોરું બની નીકળે!

લાગણીઓના અફાટ રણમાં, 

કોઈ એક કુંપળ, “ચાહત” બની નીકળે!!

💕ચાહત💕

પડશે…

 પડશે…

જેટલું હસ્યાં, એટલું રડવું પડશે,

જીવનમાં સંતુલન, મેળવવું પડશે!

વિતાવી જે પળો, હસતાં હસતાં,

વ્યાજ સહિત એને, ચૂકવવું પડશે!

સાપસીડીની રમત, છે આ જિંદગી,

ક્યારેક ઉપર, તો ક્યારેક, નીચે ઊતરવું પડશે!

જીવી લો મન ભરીને, નહીં મનમાં ભરીને,

હૃદયને પણ ખાલી, કરવું પડશે!

મનાવી લો, રુઠેલાંઓને પ્રેમથી,

કોણ જાણે ક્યારે, અહીંથી જવું પડશે?

લાગણીઓ ઘવાય તો, વસમું પડે છે,

“ચાહત” થી કાયમ, રહેવું પડશે!!

💕ચાહત💕

હોય છે…

 

 હોય છે…

કોઈક એક, જીવનમાં ખાસ હોય છે,

એનાથીજ, લાગતો આઘાત હોય છે!

વિચારોનાં વંટોળમાં, તણાય જવાય છે,

કોઈ એક ખ્યાલ, પાણીદાર હોય છે!

વાણીથી, સચવાય છે બધાં સંબંધો,

પણ મૌન, વધારે અસરદાર હોય છે!

દિલ દોડી જાય છે, જ્યાં લાગણી મળે,

હૃદયને ક્યાં દોડવા, ઢાળ હોય છે!

આંખના પલકારામાં, વિતી જાય છે જિંદગી,

બાળપણ, ઘડપણનું સાથીદાર, હોય છે!

લાગણીઓનું ગણિત, છે અટપટું,

“ચાહત” ની શેષ, અવિભાજ્ય હોય છે!!

💕ચાહત💕

તો માનું…

 તો માનું…

શબ્દોને પાછા, વાળી શકો તો માનું,

પછી એ લાગણી, દાબી શકો, તો માનું!

વાક્બાણોથી ઘવાય છે, નાજુક દિલ,

ભાથું સમજણનું, લાવી શકો, તો માનું!

અભિમાન રુપનું, હોય છે સુંદરતાને,

પ્રતિબિંબ માંહ્યલાનું, જોઈ શકો, તો માનું!

ડુબી જાય છે જહાજો, અગાધ સમંદરમાં,

અહમ ખુદનો, ડુબાડી શકો, તો માનું!

દાન કીધાં ખુબ, તકતીઓ છપાવવાં,

કોઈ એક જઠરાગ્નિ, ઓલવી શકો, તો માનું!

લાગણી પ્રેમની, અગત્યની છે જીવનમાં,

“ચાહત” કોઈ એવી, કરી શકો તો માનું!!

💕ચાહત💕

લઈએ…

 લઈએ…

હશે ઘણીયે વાતો દિલ દુભાવતી,

સારી એક વાતથી મન, મનાવી લઈએ!

તડજોડ કરી, નિભાવ્યાં ઘણાં સંબંધો,

જાત સાથે આપણી, હવે નાતો જોડી લઈએ!

મંઝીલને શોધવા, ચાલ્યાં ખુબ દુર સુધી,

ચીલો નવો ચાતરીને, કેડી એક શોધી લઈએ!

દોડતાં રહ્યાં જિંદગીભર, માલ મિલકત પામવા,

છ ફુટ જમીન આપણી, હવે માપી લઈએ!

નફરત અને ઈર્ષાની, વાવણી ખુબ કરી,

“ચાહત” નામે એક બીજ, હવે વાવી લઈએ!

💕ચાહત💕

તો, કહેવાય નહીં…

 તો, કહેવાય નહીં…

દિલ અચાનક તુટી જાય તો, કહેવાય નહીં,

આંસુ આંખેથી, કોરું વહી જાય તો, કહેવાય નહીં!

ચરણ ચાલ્યાં, દશે દિશાઓમાં, અનેક કેડીએ,

મંઝીલ, ખુદ ભુલી પડી જાય, તો, કહેવાય નહીં!

ગેરસમજથી, ગુંચવાય જાય છે અમુક સંબંધો,

સમજણની નાજુક દોર, ગંઠાઈ જાય, તો, કહેવાય નહીં!

મૃગજળથી કાયમ, તરસ છીપાવતાં છિપાવતાં,

પાણીની કિંમત, ભુલાય જાય, તો, કહેવાય નહીં!

આળસ ‘ને પ્રમાદ થી, બગડે છે આરોગ્ય,

મહેનતનો રોટલાનો સ્વાદ, ભુલાય જાય, તો, કહેવાય નહીં!

લાગણીપ્રધાન દિલ, સ્વભાવ છે માનવનો, 

માનસિક તણાવમાં, “ચાહત” ભુલાય જાય, તો, કહેવાય નહીં!!

💕ચાહત💕

નહીં કરું…

નહીં કરું…

માનું છું તને, પણ આજીજી નહીં કરું,

પામવાને તને હવે, કોઈ પ્રયત્ન નહીં કરું!

શ્રદ્ધા ‘ને ભક્તિથી, વંદુ છું તને,

પણ, પગમાં આળોટી, વિનંતી નહીં કરું!

આપી છે તેં, ઘણીયે અડચણ, અને વળી અવરોધો,

રસ્તાનાં પથ્થરને હવે, ઠોકર મારી, દુર નહીં કરું!

કસોટીઓ ઘણી કીધી, તેં શ્રદ્ધા ની,

જ્યોત એ, ઓલવવાની, ભુલ નહીં કરું!

સારો કળાકાર જીવી જાય છે, પાત્રને,

પાત્રને જ, અસલ વ્યક્તિ માનવાની, ભુલ નહીં કરું!

માન્યું કે, તું જ કર્તા ‘ને, તું જ છે હર્તા,

પણ, તને ભગવાન માનનાર, માનવની,

શું, તું, કદર નહીં કરું??

💕ચાહત💕