💕ચાહતની 💕કલમેથી...✍️: વિચારો કે, જે વિતી ગઈ, એ વાત ગઈ....

સોમવાર, 29 માર્ચ, 2021

કોઈ એક, આંખનો તારો હોય,

આપણને ખુબજ, પ્યારો હોય,

એ ખરી જાય, તો શું થયું?

કેટલાંય એવાં, તારા ખર્યાં,

તોય, કદી ના, ગગને આંસુ સાર્યાં!

વિચારો કે, જે વિતી ગઈ, એ વાત ગઈ....

કોઈ એક, જીવનનું ધ્યેય હોય,

આપણાં જીવનનું, અંતિમ લક્ષ્ય હોય,

એ નિષ્ફળ જાય, તો શું થયું?

કેટલાંય એવાં, પ્રયત્નો હાર્યાં,

તોય, કદી ના, મનથી હિંમત હાર્યાં!

વિચારો કે, જે વિતી ગઈ, એ વાત ગઈ....

કોઈ એક, એવી ડગર હોય,

આપણી એ, મંઝીલ હોય,

શોધતાં એને, ખોવાઈ જવાય, તો શું થયું?

કેટલાંય એવાં, ઢોળાવ આવ્યાં,

તોય, કદી ના, ચરણ થાક્યાં!

વિચારો કે, જે વિતી ગઈ, એ વાત ગઈ....

કોઈ એક, લાગણીની છોળ હોય,

આપણી એ, જીવાદોર હોય,

નિભાવતાં એને, તુટી જાય, તો શું થયું?

કેટલાંય અધુરાં, અરમાનો હોય,

પણ, “ચાહત” મનની, જો પુરી થાય....

તો, વિચારો કે, વિતી ગઈ, એ વાત ગઈ....

💕ચાહત💕

💕ચાહતની 💕કલમેથી...✍️