💕ચાહતની 💕કલમેથી...✍️: નથી શકાતો...

બુધવાર, 31 માર્ચ, 2021

સાથ છોડીને પણ, સંબંધ તોડી નથી શકાતો,

વિતેલા સમયને, ફરીથી, જીવી નથી શકાતો!

જખ્મ ઊંડો અપાય છે, જ્યારે અંગત દ્વારા,

ચહેરો એ, જીવનભર ભુલી નથી શકાતો!

ચડાવ ઉતાર માનવીને, જીવતાં રાખે છે, હંમેશા,

ધડકે ના હૃદય તો, માણસ જીવંત, કહી નથી શકાતો!

ખુંચે છે આંખોમાં ક્યારેક, કસ્તર બનીને કોઈ,

આંસુઓનો દરિયો, ત્યારે, રોકી નથી શકાતો!

ખરે છે, દરેક પાંદડા પાનખરમાં, પીળા બનીને,

વૃક્ષનો સંબંધ પર્ણ સાથે તોય, તોડી નથી શકાતો!

કોઈકવાર “ચાહત” માં, ઘવાય છે નાજુક દિલ,

પ્રેમ નો નાતો તોય, હૃદય થી, તોડી નથી શકાતો!!

💕ચાહત💕

💕ચાહતની 💕કલમેથી...✍️