લાગે છે...

 

લાગે છે...

કોનો આ, એક અણસાર લાગે છે,

હૃદય ઉપર, જાણે ભાર લાગે છે!

શ્વાસ બની કોઈ, ધબકતું રહે છે,

કોનો આ, ઉચ્છ્વાસ લાગે છે?

ખીલી રહી છે વસંત, સોળે કળાએ,

પાનખર બની કોણ, પાસ લાગે છે!

ભુલી ભુલાય નહીં, કયાં કોઈ વાત,

વાતનો એ દોર, કોઈ ખાસ લાગે છે!

દિલ પર દસ્તક, વાગતી રહે છે,

આવનજાવન કોઈ,  ખાસ લાગે છે

તસ્વીર કોઈની, આંસુ બની વહે છે,

આંસુ ને દિલ વચ્ચે, કંઇ ખાસ લાગે છે!

એમ ક્યાં ભુલાય છે, પહેલી “ચાહત”,

પહેલી નજરનો પ્રેમ,

એમજ ક્યાં, ખાસ લાગે છે!!

💕ચાહત💕