💕ચાહતની 💕કલમેથી...✍️: માં, તું યાદ બહુ આવતી!!!

શનિવાર, 19 સપ્ટેમ્બર, 2020

માં, તું યાદ બહુ આવતી!!!

વહાલથી કોળિયો ભરી જમાડતી, ડગ સાચવીને ભરાવતી,

મારી સાથે જાગતી, સદા હસતી હસાવતી,

માં, તું યાદ બહુ આવતી!

પ્રેમથી રીત શીખવાડતી, જવાબદારીઓ સંભાળતી,

સદાયે, આંખોથી અમી વરસાવતી,

માં, તું યાદ બહુ આવતી!

તારી લાડલીને વળાવતી, હૈયે આંસુ સારતી,

પણ મુખ પર સ્મિત વરસાવતી,

માં, તું યાદ બહુ આવતી!

મને સંભાળતી, સદા સધિયારો આપતી,

તારી હાજરી, હવે તસવીર મહીં વરતાતી,

માં, તું યાદ બહુ આવતી!

આજ હું માં બની ઘર સંભાળતી, સૌની કાળજી રાખતી,

તોય માં, તારી તોલે ન આવતી,

માં, તું યાદ બહુ આવતી!!!

💕ચાહત💕

💕ચાહતની 💕કલમેથી...✍️