તો, વાત અલગ હતી...

 તો, વાત અલગ હતી...

બે ચાર કવિતા કે શાયરી, 

લખવાથી શું ફેર પડે?

શાયર એક ખાસ હોત, 

તો વાત, અલગ હતી!

કલમમાંથી ધારદાર શબ્દો કે, 

આંખમાંથી આંસુ થી શું ફેર પડે?

દિલમાં એક સળગતી જયોત હોત,

તો વાત, અલગ હતી!

બે ચાર વાહ વાહ કે તાળીઓની,

દાદથી શું ફેર પડે?

મહેફિલમાં કાબિલે તારીફ હોત,

તો વાત, અલગ હતી!

બે ચાર નિસાસા, કે પ્રયત્ન 

કરવાથી શું ફેર પડે?

નસીબ સાથે હોત,

તો વાત, અલગ હતી!

બે ચાર દિવસ કે વરસ,

“ચાહત” થી જીવવાથી શું ફેર પડે? 

જિંદગી, સદા પ્રેમ થી જીવાતી હોત,

તો વાત અલગ હતી!!!

💕ચાહત💕