ટપાલ....

ટપાલ....

ખોલ્યો ખજાનો  પત્રો નો, 

મળી એક મોંઘેરી ટપાલ ‘ ને, 

હૈયા મહીં મેં અનુભવી તને 

મા, હસતી ખુશખુશાલ!

અક્ષરો ના તારા મરોડમાં મેં, 

અનુભવ્યું બાળપણ રમતિયાળ,

ને, બે પંક્તિ ઓ વચ્ચે ની ખાલી જગામાં, 

જડયું અદકેરું વહાલ!

ચહેરાયેલા એ અક્ષરોમાં, 

અનુભવી ચિંતા અપાર,

ને, ક્યાંક રડેલી આંખોમાં, 

ઉદાસી ભાળી પહેલી વાર!

શેરીના સરનામાંમાં,

મેં જોઈ ઘરની પરસાળ,

ને, કરેલા એ સંબોધનમાં, 

અનુભવી તને સામી પાળ!!!

💕ચાહત💕