હોતા નથી...

 હોતા નથી...

વહી જતાં આંસુને લુછનારાં, બહુ હોતા નથી,

લુછે જો કોઈ,  તો અચુક, એ ખુદા હોતા નથી!

કેટલાંયે શબ્દો રમે છે, હૃદયનાં પેટાળમાં,

હૈયે હોય એ બધાં, હોઠે આવતાં હોતા નથી!

છુટ છે લાગણીઓને, કાયમ અવરજવર માટે,

દિલનાં ઓરડે કદી, મજબુત તાળાં હોતા નથી!

 કોઈ જઈને પુછે અમસ્તું, ઘાયલ હૃદયને,

દિલ પર કદી, જખ્મોનાં, હિસાબ હોતા નથી!

કુરબાન થઈ જાય છે દિલ, એક ઇશારા પર,

હૃદય પર, “ચાહત”ના, પંચનામા હોતા નથી!!

💕ચાહત💕

🎊🎉 Happy New Year 🎉🎊

 

🎉🎊 HAPPY NEW YEAR 🎊🎉

The year 2020 has been an unpredictable ride through the pandemic, protests and many more difficulties that had made living life quite hard for people across the globe. But as we near the end of this year, we all should accept the fact that with every passing year, one should leave behind the bad memories and mistakes. So now, as we embrace the upcoming year, 2021, let us all be positive and cheery with shining spirits and aspirations for the future. We should vow to not let the negative times affect us in looking forward to the future and working hard to achieve our dreams and ambitions. So, let us all embrace the new year with much-needed hopes and happiness.

                    

  🎊🎉  WELCOME 2021🎊🎉        

                            💕ચાહત 💕                           

આવ્યો છું...

આવ્યો છું...

યમુના કાંઠે વાંસલડી ના, સુર મૂકી આવ્યો છું

એની આંખોમાં રાધાનું નુર, મૂકી આવ્યો છું!

અર્ધ બીડેલી પાંપણમાં, પુરાયેલી એ પ્રીતને,

હળવેથી હિંચાોળીને, હેત કરી આવ્યો છું!

પહેલી એ મુલાકાતના, ભીના અહેસાસને,

મનનાં ભોંયરામાં એમ, કેદ કરી આવ્યો છું!

અણમોલ યાદોનાં એ, અવિરત વરસાદને,

અતૃપ્ત હૃદય ઉપર, પ્રેમથી ભીંજવી આવ્યો છું!

વિરહમાં વલખતી, એ અધુરી “ચાહત” ને, 

કાળજામાં કાયમ માટે, કોરી આવ્યો છું,

આજ હું મને, એના અંતરમાં, છોડી આવ્યો છું!!

💕ચાહત💕

2020, તું યાદગાર વરસ બનીને, ચાલી ગયું...

2020, તું યાદગાર વરસ બનીને ચાલી ગયું...

વિદાય તારી, વસમી નહીં પણ, વ્હાલી છે, તું એ બતાવી ગયું,

સૌનાં દિલમાં ધિક્કાર ની ભાવના, તારા માટે, તું જગાવી ગયું,

2020, તું યાદગાર વરસ, બનીને ચાલી ગયું!

સો વરસોમાં પહેલીવાર, તારી જાત,બતાવી ગયું,

આખા જગતમાં, ભારે ઉત્પાત મચાવી ગયું,

2020, તું યાદગાર વરસ, બનીને ચાલી ગયું!

બધાંય તહેવારોની ઉજવણી, તું ભુલાવી ગયું,

ખુદની સાથે યાદગાર એક, પ્રવાસ કરાવી ગયું,

2020, તું યાદગાર વરસ, બનીને ચાલી ગયું!

દુનિયાને, ઘરનાં એક, ઓરડામાં સમાવી ગયું,

આખા જગતને, તારી મુઠ્ઠી ની ભીંસમાં દબાવી ગયું,

2020, તું યાદગાર વરસ, બનીને ચાલી ગયું!

કુટુંબની વ્યાખ્યા, વળી નવી શીખવાડી ગયું,

પ્રિયજનો ને, આપ્તજનો નો, સાથ છોડાવી ગયું,

2020, તું યાદગાર વરસ, બનીને ચાલી ગયું!

એકલતાની મિત્રતાનું, મહત્વ સમજાવી ગયુ

સંબંધો, આંગળીનાં ટેરવે, નિભાવતાં શીખવાડી ગયું,

2020, તું યાદગાર વરસ, બનીને ચાલી ગયું!

જીવનમાં સ્વચ્છતા ની જરુરીયાત, બતાવી ગયું,

અસ્વચ્છતા મનની, દુર કરતાં શીખવાડી ગયું,

2020, તું યાદગાર વરસ, બનીને ચાલી ગયું!

ઓછી જરુરીયાતોથી, જીવતાં શીખવાડી ગયું,

એક વિષાણુ, જનજીવનને છિન્ન ભિન્ન, કરી ગયું,

2020, તું યાદગાર વરસ, બનીને ચાલી ગયું!

માનવજીવનને નવાં, મૂલ્યો શીખવાડી ગયું,

આત્મનિર્ભર રહેતાં સૌને, શીખવાડી ગયું,

2020, તું યાદગાર વરસ, બનીને ચાલી ગયું!

ચહેરાની સુંદરતા ને, માસ્કથી ઢાંકી ગયું,

આંખોની ભાષા, બોલતાં શીખવાડી ગયું,

2020, તું યાદગાર વરસ, બનીને ચાલી ગયું!

ચાર દીવાલોની વચ્ચે, મનુષ્યને, કેદમાં રહેતાં શિખવાડી ગયું,

પ્રાણીઓ અને પક્ષીઓ ને, મુક્ત વિહાર કરાવી ગયું,

2020, તું યાદગાર વરસ, બનીને ચાલી ગયું!

પારકાં અને પોતાનાં, સૌને રડાવી ગયું,

“ચાહત” સૌને મનની, કરતાં શીખવાડી ગયું,

2020, તું યાદગાર વરસ, બનીને ચાલી ગયું!!

💕ચાહત💕

નીકળે...

 

નીકળે....

કરીએ, જો પ્રેમ, 

રંગ એવા પાકા નીકળે,

શેરડાં ગાલે, ગુલાલનાં થાય, 

જે કદીએ, ના નીકળે!

કરીએ જો, પ્રયત્નો સફળતાનાં, 

એટલાં સઘન,

હથેળીમાં વિજયની, 

એક નવી, હસ્તરેખા નીકળે!

ખાઈએ, જો ઠોકર,

 પથ્થર અહલ્યા શો મળે,

એને અડકવા, 

રામ પણ, વનમાં નીકળે!

થઈએ જો નિરાશ,

 ઉદાસ એમ સાંજ ઢળે,

સુરજ પણ એનું, 

મોં સંતાડીને, ઢળવા નીકળે!

કરીએ જો શરૂઆત,

 એવી, મંગળ નીકળે,

શુભ અને લાભ ચોઘડિયાં પણ, 

પોબારા નીકળે!

અનુસરીએ, જો,”ચાહત” ને હૃદયથી, 

માન સન્માન આપવા, દુનિયા નીકળે,

આપણાં ગયા પછી પણ, 

નામ આપણું અમર નીકળે!!

💕ચાહત💕