💕ચાહતની 💕કલમેથી...✍️: આવ્યો છું...

બુધવાર, 30 ડિસેમ્બર, 2020

યમુના કાંઠે વાંસલડી ના, સુર મૂકી આવ્યો છું

એની આંખોમાં રાધાનું નુર, મૂકી આવ્યો છું!

અર્ધ બીડેલી પાંપણમાં, પુરાયેલી એ પ્રીતને,

હળવેથી હિંચાોળીને, હેત કરી આવ્યો છું!

પહેલી એ મુલાકાતના, ભીના અહેસાસને,

મનનાં ભોંયરામાં એમ, કેદ કરી આવ્યો છું!

અણમોલ યાદોનાં એ, અવિરત વરસાદને,

અતૃપ્ત હૃદય ઉપર, પ્રેમથી ભીંજવી આવ્યો છું!

વિરહમાં વલખતી, એ અધુરી “ચાહત” ને,

કાળજામાં કાયમ માટે, કોરી આવ્યો છું,

આજ હું મને, એના અંતરમાં, છોડી આવ્યો છું!!

💕ચાહત💕

💕ચાહતની 💕કલમેથી...✍️