શું, ફરક પડે??

 શું, ફરક પડે??

લીમડો ઉગે કે, ઉગે બાવળ,

ધરતીને, શું ફરક પડે?

રણમાં, જો ન ઉગે ગુલાબ તો,

રેતીને, શું ફરક પડે?

લોકો પૂછે ખબર કે, કરે પંચાત,

સ્વભાવને, શું ફરક પડે?

પારકાના, જો ન આવે વાવડ તો,

આપણને, શું ફરક પડે?

આંસુમાં વહે પિયુ કે, વહે કાજળ,

આંખોને, શું ફરક પડે?

પાણીમાંથી, જો ન બને વરાળ તો,

આભને, શું ફરક પડે?

કોઈ, ચાલે આગળ કે, ચાલે પાછળ,

ડગરને, શું ફરક પડે?

કોઈનો, જો ન મળે સાથ તો,

મંઝીલને, શું ફરક પડે?

કોઈ, ચડે સીડી કે, ચડે પગથિયું,

સફળતાને, શું ફરક પડે?

કોઈ, જો ન કરે પ્રયત્ન તો,

નિષ્ફળતાને, શું ફરક પડે?

કોઈ, કરે “ચાહત” કે, કરે નફરત,

હૃદયને, શું ફરક પડે?

કોઈ, જો ન વસે દિલમાં તો,

ધડકનને, શું ફરક પડે?

💕ચાહત💕