💕ચાહતની 💕કલમેથી...✍️: કેમ, આવું થાય છે??

શુક્રવાર, 4 ડિસેમ્બર, 2020

જે, ખભા ટેકો આપતાં, એ જ ઝુકી જાય છે,

વર્ષો, બોજ બની, ખભે લટકી જાય છે!

કેમ, આવું થાય છે?

જે, દોસ્ત સાથ આપતાં, એ જ બદલાઈ જાય છે,

મિત્રતા, ઈર્ષા નાં ભાર હેઠળ, દબાઇ જાય છે!

કેમ, આવું થાય છે?

જે, હાથ પ્રેમથી કોળિયો ભરાવતા, એ જ વહેલાં છોડી જાય છે,

માવતર ની કાયા, જલ્દી મુરઝાઇ જાય છે!

કેમ, આવું થાય છે?

જે, ચરણ રોજ દોડતા, એ જ અટકી જાય છે,

સફળતા, નિષ્ફળતાના કદમોમાં સંભળાય છે!

કેમ, આવું થાય છે?

જે, જિંદગીને ચાહતા, એ જ નાસીપાસ થઈ જાય છે,

હારીને જિંદગી, આ ફાની દુનિયા છોડી જાય છે!

કેમ, આવું થાય છે?

જે, સંબંધો અર્થ સભર હતા, એ જ બદલાઈ જાય છે,

સ્વાર્થ પુરો થતા, અર્થની પરિભાષા બદલાઈ જાય છે!

કેમ, આવું થાય છે?

જે, દિલથી નજીક હતા, એ જ છોડી જાય છે,

“ચાહત” ની અધુરી કથા, હંમેશા મશહૂર થાય છે!

કેમ, આવું થાય છે??

💕ચાહત💕

💕ચાહતની 💕કલમેથી...✍️