હોઈ શકે??

 

હોઈ શકે ??

મનને કળાતાં, વાર લાગી શકે,

કદીક, બુદ્ધિ પણ, લાગણીને છળી શકે?

સાથ જીવનભર આપતાં, થાક લાગી શકે,

કદીક, એકલતા પણ, આશીર્વાદ રુપ હોઈ શકે?

જુના જખ્મો, નાસુર બની શકે,

કદીક, હૃદય પણ, માફ ના કરી શકે?

ચહેરાઓ, જુઠ્ઠું બોલી શકે,

કદીક, હાવભાવ પણ, મનને છેતરી શકે?

લાગણી, બુઠ્ઠી હોઈ શકે,

કદીક, હૃદય પણ, પથ્થર બની શકે?

સંબંધો માં ધાર, હોઈ શકે,

કદીક, કોઈ અંગત પણ, ખંજર હોઈ શકે?

આભ, વરસાદ થઈ, રડી શકે,

કદીક, આંસુ પણ, કોરું વહી શકે?

ખરી “ચાહત”, જોજનો દુર, હોઈ શકે,

કદીક, વાંસળી પણ, હોઠોથી દુર, હોઈ શકે??

💕ચાહત💕