બનીને?...

 

બનીને?...

ચાલ, આજ જીવીએ, થોડું હસીને,

ક્યાં સુધી જીવીશું, આમ મરી મરીને?

વર્તમાન પણ, આગળ ભાગે છે,

કાં, ન, દોટ મુકીએ, દોડવીર બનીને?

સમય આંધળો છે, વહેતો રહે છે,

કાં, ન, પળ બે પળ  ચોરીએ, ચોર બનીને?

હતાશા નિરાશા તો, હિસ્સો છે જીવનનો,

કાં, ન, એમ લડીએ, બહાદુર બનીને?

સુર્યાસ્ત પછી, સુર્યોદય જ હોય છે,

કાં, ન, એમ ઉગીએ, સુરજ બનીને?

પથ્થરોની વચ્ચેથી, વહે છે, ઝરણું, 

કાં, ન, વહીએ એમ, ઝરણું બનીને?

લાખો નિરાશાઓમાં, છુપાયેલી છે આશા,

કાં, ન, જગાવીએ જ્યોત, આશાની બનીને?

નફરત ને ઈર્ષા થી, ભરેલી છે આ દુનિયા,

કાં, ન, પ્રેમ કરીએ, “ચાહત” બનીને??

💕 ચાહત💕