💕ચાહતની 💕કલમેથી...✍️: અવિસ્મરણીય, એ અતુલ!!

બુધવાર, 13 જાન્યુઆરી, 2021

અતુલેશ્વર મહાદેવ, અને પાર નદી,

ના વિસરાય એ સ્થળ, એમ કદી!

બારમાસી ચીકુ, અને હાફુસ કેરી,

મળી ના મીઠાશ એવી, ક્યાંય કદી!

પારનેરા ડુંગર, અને મા ચામુંડા કાળી,

એક એક પગથિયે, થતી રંગોળી!

આઠમનો મેળો, અને બાફેલી શિંગ ખારી,

બાફેલાં શિંગોડાની, લહેજત બહુ ભારી!

આઠની એ વ્હિસલ, અને બજાજની કીક,

પપ્પાની બુમોની, લાગતી બહુ બીક!

સફેદ જાંબુ, અને કેરી તોતાપુરી,

શોધી જડે ના, એ જાતની ક્યાંય કેરી!

બાળમંદીર અને, હીરાબહેનનાં પૌંઆ,

કાશ્મીરા બહેન વળી, ખુબ વહાલસોયાં!

ઈશ્વરભાઈની સોટી, અને સાયરાબહેનનું સ્મિત,

શિસ્તનાં આગ્રહી પણ, ના કરે ખોટી ખીજ!

એન્યુઅલ ફંક્શન અને, પ્રેક્ટીસ ની ધમાલ,

પંચાલ સ્ટુડીઓ, પાડે ફોટા બહુ કમાલ!

ઓપન એર થિયેટર, અને પ્રોગ્રામની ખોજ,

એક એક પિક્ચર ની, લુંટતા ખુબ મોજ!

ઊર્મિ મંડળનાં મસાલાં અને, ઊંધિયાની પાર્ટિ,

કદી ના ભુલાય એ, મીનાબહેનની સાદગી!

ઉત્કર્ષ નાં નાટકો, અને પપ્પા સેક્રેટેરી,

ખુબ કરી મઝા, આપી ટિકિટો, મિત્રો ને કોરી!

કલ્યાણી શાળા અને, મિત્રો ની ટોળી,

યાદ ખુબ આવે જો, દઈએ દિલ ઝંઝોળી!

સિધ્ધાર્થ ભાઈ , અને વિમળાબહેનનું સંકુલ,

યાદ મને રહેશે, હંમેશા મારું, ચિરંજીવ “અતુલ”!!!!

💕ચાહત💕

💕ચાહતની 💕કલમેથી...✍️