કોને ખબર?...

 

કોને ખબર?...

પથ્થરો પોલાં હોય, કોને ખબર,

કોણ કેવાં હોય, કોને ખબર?

મોતનો માતમ, મનાવે છે દુનિયા, 

આંસુ કોનાં સાચાં હોય, કોને ખબર?

તડકો બનીને, પથરાય છે સુરજ,

પડછાયાં, કયાં આપણાં હોય, કોને ખબર?

પ્રીત ના નામે, દિવાનગી છે ઠેર ઠેર,

કૃષ્ણ, રાધાનાં કેમ ના થઈ શક્યાં, કોને ખબર?

ક્યારેક ખેંચ, તો ક્યારેક, ઢીલ છે સંબંધ, 

ક્યારે, ક્યાં, કપાયો હોય, કોને ખબર?

કક્કો બારાખડી, જાણીએ છે આપણે,

ભણીને અભણ, કેમ રહેવાય, કોને ખબર?

ભારે ઝંઝાવાત માં, ટકી જવાય છે,

શાંત પાણી માં, ડુબી ગયા હોય, કોને ખબર?

કોઈ એક, માણસને શોધતાં,

માણસાઈ, ખોવાઈ ગઈ હોય, કોને ખબર?

જખ્મો ને આઘાતથી, મપાય છે, હૃદયની ક્ષમતા,

“ચાહત” સાચી હોય ના હોય, કોને ખબર??

💕ચાહત💕