પડે છે...

 પડે છે...

સંબંધને સાચવવાં, જતું કરવું પડે છે,

રોજ પળ પળ મરીને, જીવવું પડે છે!

દિલમાં ભરેલી કડવાશને, છુપાવવાં,

મોંઢેથી, હંમેશા મધુર બોલવું પડે છે!

સાથ જીવનમાં, મનગમતો મેળવવાં,

નસીબ સાથે હંમેશા, ઝઘડવું પડે છે!

હતાશાને, ડરપોક મનથી હરાવવાં,

અવિરત પ્રયત્નો કરી, લડવું પડે છે!

દીવાલો અને છતને, ઘર બનાવવાં,

ફરજ અને લાગણીએ, પીસાવું પડે છે!

બાળપણે, પોતાની પેટની આગ ઠારવાં,

દફતર મુકીને, મજુરીએ જવું પડે છે!

“ચાહત” આપણી, જીવનમાં પુરી કરવાં,

લોહીનાં આંસુએ, કોઈવાર, રડવું પડે છે!!

💕ચાહત💕