ક્યાં, માનું છું??

ક્યાં, માનું છું??

કોણ છું હું? ક્યાંથી આવું છું, હું ? ક્યાં જાણું છું?

ગટગટાવું છું, હળાહળ વિષ રોજ,

તોય મને, શિવ, ક્યાં, માનું છું?

અથડાતો રહું છું, દિશાવિહીન સુકાન બનીને,

સમાવું છું, બધી વેદના, મારી અંદર, 

તોય મને, મહાસાગર, ક્યાં, માનું છું?

રોજ બાજી હારું છું, જિંદગીની ચોપાટમાં,

ખેલું છું, ફરી નવો, એક દાવ, 

તોય મને, યુધિષ્ઠિર, ક્યાં, માનું છું?

વેચાતો રહું છું, નિત્ય સંબંધોનાં, બજારમાં,

કરું છું, ફરી, નવાં ભાવતાલ,

તોય મને, વ્યાપારી, ક્યાં, માનું છું?

આથમતો રહું છું, રોજ વિટંબણાઓની સાથ,

ઉગું છું, બની, નવું એક, પ્રભાત,

તોય મને, પ્રકાશતો સુરજ, ક્યાં, માનું છું?

પછડાતો રહું છું, પોતાનાંઓ થકી ખાસ,

મથતો રહું છું, “ચાહત” થી, આંબવાને આકાશ,

તોય મને, પાગલ, ક્યાં, માનું છું??

💕ચાહત💕