💕ચાહતની 💕કલમેથી...✍️: જોને, મિત્ર કેવો, કમાલ કરી જાય છે!!

મંગળવાર, 23 માર્ચ, 2021

તાળી ઠોકીને, પછી, ધબ્બો મારી જાય છે,

કહેતાં પહેલાં જ, વાત સમજી જાય છે!

જોને, મિત્ર કેવો, કમાલ કરી જાય છે!!

આંગળી ચીંધીને, પછી, સંભળાવી જાય છે,

દુ:ખમાં ટેકો બની, સહારો દઈ જાય છે!

જોને, મિત્ર કેવો, કમાલ કરી જાય છે!!

ઝઘડો કરીને, પછી, કાયમ રિસાઈ જાય છે,

દુનિયાની સામે, એ જ, ઢાલ બની જાય છે!

જોને, મિત્ર કેવો, કમાલ કરી જાય છે!!

લેવડ દેવડમાં, હિસાબ ગણાવી જાય છે,

સંકટ સમયે, બેઉ હાથે, દઈ જાય છે!

જોને, મિત્ર કેવો, કમાલ કરી જાય છે!!

આંટાફેરા કરવામાં, આળસ કરી જાય છે,

જરુર પડ્યે, અડધી રાતે આવી, ઊભો રહી જાય છે!

જોને, મિત્ર કેવો, કમાલ કરી જાય છે!!

સુદામા સરીખો, કાયમ, નિસહાય બની જાય છે,

કૃષ્ણ બનીને, રથ ચલાવી જાય છે!

જોને, મિત્ર કેવો, કમાલ કરી જાય છે!!

સંબંધની એક નવી, મિસાલ બની જાય છે,

“ચાહત” થી જીવનભર, સાથ નિભાવી જાય છે!

જોને, મિત્ર કેવો, કમાલ કરી જાય છે!!

💕ચાહત💕

💕ચાહતની 💕કલમેથી...✍️