જિંદગી, મેં...

 જિંદગી, મેં...

રંગબેરંગી ચહેરાંઓની, 

પીંછી કરી છે,

જિંદગી, મેં, મારાં અનુભવોની,

રંગોળી કરી છે!

શ્વાસોમાં હામ ભરી, 

ઊંચી ઉડાન, ભરી છે,

જિંદગી, મેં, મારી મંઝીલ, 

આસાન કરી છે!

સ્કવેરફુટમાં કેદ, 

જાતને, જાણી છે,

જિંદગી, મેં, મને ખુદથી, 

આઝાદ કરી છે!

એકએક બુંદ ઝીલી, 

ગાગર ભરી છે,

જિંદગી, મેં, સપનાંઓનાં નીરથી,

તને, વહેતી કરી છે!

ઘેંટાના ટોળા મહીં, 

એક વાડ કરી છે,

જિંદગી, મેં, મારી આગવી ઓળખ,

 “ચાહત”, ઊભી કરી છે!!

💕ચાહત💕