💕ચાહતની 💕કલમેથી...✍️: હે, ઈશ્વર હવે તું, તારી જીદ છોડી દે!!!

રવિવાર, 11 એપ્રિલ, 2021

આશરે તારા અમે, બસ હવે, કહી દે,

રોકી લે આ સંહાર, ક્યાં તારું, નામ બદલી દે!

હે, ઈશ્વર હવે તું, તારી જીદ છોડી દે!!

પ્રાર્થના અને દુઆઓ અમે, કરી હાથ જોડી,

સ્વીકારી લે અરજી નહીં તો, હાથ જોડી, ના કહી દે!

હે, ઈશ્વર હવે તું, તારી જીદ છોડી દે!!

ઘોર અપરાધ કર્યો અમે, તું જીદ છોડી દે,

જગન્નિયંતા બની, હવે તું, અમને માફ કરી દે!

હે, ઈશ્વર હવે તું, તારી જીદ છોડી દે!!

સુના છે શહેરો ને, સુની છે ગામની ગલીઓ,

સ્મશાનમાં છે ભીડ વધી, હવે તું, યમદૂત બનવાનું છોડી દે!

હે, ઈશ્વર હવે તું, તારી જીદ છોડી દે!!

“ચાહત” થી અમારી પ્રાર્થનાનો, કર સ્વીકાર,

મોતનો વ્યાપાર રોક ને, તું, ભોગ લેવાનું છોડી દે!

હે, ઈશ્વર હવે તું, તારી જીદ છોડી દે!!!

💕ચાહત💕

💕ચાહતની 💕કલમેથી...✍️