તું, જોને...

 

તું, જોને...

પાત્ર, ભલે અડધુ છે ખાલી,

પણ, તરસ, અડધાંથી બુઝાય છે, એ જોને!

અડધાં ખાલીની ચિંતા છોડ, અડધુ ભરેલું પાત્ર,

તું, જોને!!

સો વાત, ભલે છે ખરાબ,

પણ, બે સારી વાતથી, મન છે ઉભરાય, એ જોને!

નકારાત્મક અભિગમ છોડ, સકારાત્મક બે વાત, 

તું, જોને!!

સમય, ભલે છે, કુ્ર આજે,

પણ, કાળચક્ર હંમેશા, ફરે છે, એ જોને!

કાલની ચિંતા છોડ, ને આજમાં, ચેનથી જીવી, 

તું, જોને!!

દરેક માણસમાં, કંઈક હોય છે, ખરાબ,

પણ, ગુણ એનામાં, હશે બીજાં, એ જોને!

દરેક સિક્કાની, છે બીજી બાજુ, સારી બાજુ, 

તું, જોને!

ભલે મળે, લાખો નિરાશાઓ, 

પણ, હિંમત રહે છે, અકબંધ, એ જોને!

એક આશા, છુપાયેલી ક્યાંક, જોવા મળે છે, 

તું, જોને!

હોય ભલે, ઘનઘોર વાદળ, કાળાં,

પણ, કિરણ એક, હોય છે ચિરતું, એ જોને!

દરેક વાદળની, હોય છે, રૂપેરી કોર, 

તું, જોને!!

નફરતનાં બીજ, ભલે ને ઉગતાં,

પણ, “ચાહત”નાં મુળ, જશે ઊંડા, એ જોને!

માનવતા મહેંક પ્રસારતી, ફરી જોવા મળશે, 

તું, જોને!!

💕ચાહત💕