💕ચાહતની 💕કલમેથી...✍️: હારી ન જા, બસ, સબુરી રાખ, થોડી યાર!!

રવિવાર, 18 એપ્રિલ, 2021

સમય છે, જે આજે, વિકરાળ

કાલે, થાશે એ, જરુર ફરાર!

શ્રધ્ધા રાખ, બે હાથ જોડી,

હારી ન જા, બસ, સબુરી રાખ, થોડી યાર!

નિયતિનું ચક્ર, ફરતું રહે, દિન રાત,

આજે નીચે છે, તો કાલ, ઉપર પણ જાશે!

હિંમત, ના હાર તું, એમ જલ્દી,

હારી ન જા, બસ, સબુરી રાખ, થોડી યાર!

સંસારનો, અફર નિયમ છે,

સુર્યાસ્ત પછી, થાય છે, સુર્યોદય!

એ, ભુલી ના જા તું, કદી,

હારી ન જા, બસ, સબુરી રાખ, થોડી યાર!

અમાસ પછી પૂનમ ‘ને, પૂનમ પછી અમાસ છે,

પંદર દિને, એ બદલાય છે, દર માસ!

સ્વીકારી લે, એ નક્કી વાત,

હારી ન જા, બસ, સબુરી રાખ, થોડી યાર!

નાથ્યો જેણે, કાલિ નાગ યમુનામાં,

દમન કરશે, આ “દૈત્ય” નો એમ, કોઈ પળમાં!

ધૈર્ય રાખ થોડું, એની યોજનામાં,

હારી ન જા, બસ, સબુરી રાખ, થોડી યાર!

નફરત ને ઈર્ષાથી, વધે છે વૈમનસ્ય,

ભુલી જા સૌ ભેદભાવ, ને સાધી લે ઐક્ય!

અપનાવી લે, “ચાહત” થી શરણાગતિ, પ્રભુની એકવાર,

એ, કરશે ચોક્કસ, “કોરોના” નો સંહાર!

હારી ન જા, બસ, સબુરી રાખ, થોડી યાર!!

💕ચાહત💕

💕ચાહતની 💕કલમેથી...✍️