💕ચાહતની 💕કલમેથી...✍️: અર્થ શો??

રવિવાર, 2 મે, 2021

સર્જી તેં આખી દુનિયા, એનો અર્થ શો?

વિનાશનાં ભય તળે, જીવવાનો અર્થ શો?

આપ્યો તેં માનવ દેહ, સર્વોત્તમ જીવ તણો,

પળ પળ મારીને, વરસો જિવાડવાનો, અર્થ શો?

ચારેકોર, વહેતો રહે છે અંધકાર, ભયનો,

હિંમત, ઘડી બે ઘડી, આપવાનો, અર્થ શો?

આપ્યું તેં જીવન, તો, રક્ષા કર, અમારી,

દરેકવાર, રણ છોડી, ભગવાનો અર્થ શો?

બન્યો તું રખેવાળ, સારાયે જગતનો,

મંદીરમાં, ફક્ત મુર્તી બની, બેસવાનો, અર્થ શો?

નફરત ને ઈર્ષાનો સુર, રેલાય છે હંમેશા,

“ચાહત” નો ઘેરો નાદ, પાડવાનો અર્થ શો??

💕ચાહત💕

💕ચાહતની 💕કલમેથી...✍️