તું, હજુ કેમ, સાંભળતો નથી..??

 તું, હજુ કેમ, સાંભળતો નથી..??

તારો કોઈ આભાસ હવે, અમને જણાતો નથી,

મુર્તી બનીને, બેઠો છું મંદિરમાં, 

તું, હજુ કેમ, દેખાતો નથી?

હોસ્પિટલો ઉભરાઈ, ને, મોતનું તાંડવ ખેલાયું,

હનુમાન બની, સંજીવની લાવતો,

તું, હજુ કેમ, આવતો નથી?

સુર્ય તેં ઢાંક્યો’તો, અર્જુન ને જીતાડવાં, 

કોરોનાને હરાવવા, સુદર્શન તારું,

તું, હજુ કેમ, ચલાવતો નથી?

ભુખ્યાંની તું ભુખ ભાંગે, જગતનો અન્નદાતા બની,

તારણહાર જગનો, આજે વૈકુંઠથી નીચે, 

તું, હજુ કેમ, ઉતરતો નથી?

નરસૈંયાની હુંડી સ્વીકારી, લાજ એની તેં રાખી,

આબરૂ, તારી બચાવવા કાજ,

તું, હજુ કેમ, અવતાર લેતો નથી?

વિનવતું વિશ્વ, “ચાહત” થી, બે હાથ જોડી,

કૃપાનિધાન, અમારી અરજ, 

તું, હજુ કેમ, સાંભળતો નથી??

💕ચાહત💕