💕ચાહતની 💕કલમેથી...✍️: જાઉં છું...

મંગળવાર, 13 જુલાઈ, 2021

બે ડગલાં આગળ ચાલીને,

પાછળ પડી જાઉં છું,

જિંદગી તારી રમતમાં,

શેતરંજનું પ્યાદું બની, હારી જાઉં છું!

અસફળતાઓ હંમેશા,

નિરાશા નોતરે છે,

જીવવાને જિંદગી, ફિનિક્સ ની જેમ,

રાખમાંથી, બેઠી થઈ જાઉં છું!

દટાયાં છે ઊંડા ખજાનાઓ,

હૃદયનાં પેટાળમાં,

પામવાને એક મોતી, મરજીવો બની,

સાગર ખેડી જાઉં છું!

હિંમત તો ગુણોનું,

આભુષણ છે, એક અનોખું,

લડવાને લડાઈ, જિંદગી સામે,

સજ્જ, થઈ જાઉં છું!

સંબંધોની અડાબીડ,

ગુંથેલી માયાજાળમાં,

પામવાને લાગણી, “ચાહત” ની દોરથી,

જિંદગી ઉકેલી જાઉં છું!!

💕ચાહત💕

💕ચાહતની 💕કલમેથી...✍️