પ્રભુ શું, તારી દુનિયામાં, આમજ થાતું??

 પ્રભુ શું, તારી દુનિયામાં, આમજ થાતું??

પ્રભુ શું, તારી દુનિયામાં, આમજ થાતું?

ખીલતાં ફુલો ‘ને, કળીઓનું મરણ થાતું?

લુટારા મહાલતા ‘ને, રખેવાળનું નુકસાન થાતું?

પા પા પગલી ભરી, ચાલતાં શિખવાડ્યું,

બાળ એ, મોતના માર્ગે ચાલવા, ઉતાવળું કેમ થાતું?

પ્રભુ શું, તારી દુનિયામાં, આમજ થાતું?

શરુ થઈ જિંદગી, હજુ તો હમણાંજ પણ,

અરમાનો અધુરાં ‘ને, હૃદય ઉતાવળું, કેમ થાતું?

પ્રભુ શું, તારી દુનિયામાં, આમજ થાતું?

ધિક્કાર છે, એ મોત! તુંજને તારી કરણી પર,

ચિત્રગુપ્તનાં ચોપડામાં, આઘુંપાછું કેમ, ન થાતું?

પ્રભુ શું, તારી દુનિયામાં, આમજ થાતું??

💕ચાહત💕