💕ચાહતની 💕કલમેથી...✍️: એ જ તો, રક્ષાબંધનનો તહેવાર છે…

રવિવાર, 22 ઑગસ્ટ, 2021

એ જ તો, રક્ષાબંધનનો તહેવાર છે…

તારા સાથમાં, બાળપણ હજુ જીવંત છે,

આપણાં સ્નેહનો, સંબંધ યથાવત્ છે,

એ જ તો, રક્ષાબંધનનો તહેવાર છે!

તારા વ્હાલમાં, મમ્મીની યાદ છે,

તારા ઝઘડામાં, અનુશાસનની છાંટ છે,

એ જ તો, રક્ષાબંધનનો તહેવાર છે!

મુશ્કેલીઓમાં, તું આધાર છે,

નિષ્ફળતામાં, તારો સાથ છે,

એ જ તો, રક્ષાબંધનનો તહેવાર છે!

તારી લાગણી એ, વિશેષ ઉપહાર છે,

હૈયે હેત અને, આંખોમાં વહાલ છે,

એ જ તો, રક્ષાબંધનનો તહેવાર છે!

બંધન તારા સ્નેહનું, અતુટ છે,

પ્રેમ ના દોરાથી, બંધાયેલ આપણી “ચાહત” છે,

એ જ તો, રક્ષાબંધનનો તહેવાર છે!!

💕ચાહત💕

💕ચાહતની 💕કલમેથી...✍️