લઉં છું, રોજ…

 લઉં છું, રોજ…

દુરથી તારાં આગમનને, જાણી લઉં છું રોજ,

જિંદગી! તારાં પગરવને, પારખી લઉં છું, રોજ!

ઘેરાયેલા અકળ મૌન ને, સાથ આપવા,

ઉદાસીને અઢેલીને, બેસી લઉં છું, રોજ!

ટકોરા દે છે સંસ્મરણો, મન ની ડેલીએ,

હળવેથી કમાડ મનનાં, બંધ કરી લઉં છું, રોજ!

છો ઘેરાય વાદળો, ઘનઘોર યાદોનાં હૃદયે,

હળવેથી આંસુ બે છાનાં, સારી લઉં છું, રોજ!

ઢળે છે રોજ દિવસ, ઉગતાં સુરજની આશમાં,

હતાશાની ગર્તામાંથી, ઝાંખી લઉં છું, રોજ!

કોણ અહીં સાથ નિભાવે છે, જિંદગીભર?

“ચાહત” થી બે પળ, જીવી લઉં છું, રોજ!!

💕ચાહત💕