💕ચાહતની 💕કલમેથી...✍️: માણસ છે! અંતે, જાત બતાવી જાય છે…

બુધવાર, 15 સપ્ટેમ્બર, 2021

લાકડી આપીને, આધાર બની જાય છે,

પડછાયો બનીને પછી, સાથ છોડી જાય છે!

માણસ છે! અંતે, જાત બતાવી જાય છે!!

આશાનાં મિનારાઓ ચણાવી, વિશ્વાસ જગાવી જાય છે,

વિશ્વાસનાં વહાણ ડુબાડી પછી, પોબારા કરી જાય છે!

માણસ છે! અંતે, જાત બતાવી જાય છે!!

લાગણીનાં વરસાદથી, ધોધમાર ભીંજવી જાય છે,

અતિવૃષ્ટી કરીને પછી, દુકાળ કરી જાય છે!

માણસ છે! અંતે, જાત બતાવી જાય છે!!

આંખો ના રસ્તેથી, દિલમાં વસી જાય છે,

“ચાહત” કરીને પછી, મોં ફેરવી જાય છે!

માણસ છે! અંતે, જાત બતાવી જાય છે!!

💕ચાહત💕

💕ચાહતની 💕કલમેથી...✍️