મળી જાશે…

 મળી જાશે…

હૈયે હામ જો હોય તો, સર્વસ્વ મળી જાશે,

દરેક સવાલનો જવાબ, ચપટીમાં મળી જાશે!

હૃદય, વ્યથાથી ભરપુર, જો હોય તો,

અશ્રુને, હૃદયનો પૈગામ, તુરંત મળી જાશે!

કોઈ ન આવે જોડે તોય, ચાલતો રહેજે, 

મંઝીલ તારી ખુદ તને, સામે આવી, મળી જાશે!

કરી લે ગુફતેગો કદી, ખુદનાં માંહ્યલાં સાથે પણ,

દર્પણમાં કદી તારું સાચું, પ્રતિબિંબ મળી જાશે!

મિજાજ બદલે છે જિંદગી, મૌસમની જેમ,

વસંતની રાહ જોશો તો કદી, પાનખર મળી જાશે!

દાઝ્યાં ઉપર ડામ, લગાવે છે દુનિયા,

 “ચાહત”નો મલમ લગાવી જો, કદાચ જિંદગી મળી જાશે!!

💕ચાહત💕