કોણ આ.... કરે છે ???

 કોણ આ.... કરે છે ???

કુદરત તારા ચિત્ર માં, અદભુત રંગ ભરે છે!

ઉષા ને સંધ્યા થઈ, કોણ આ હસ્તાક્ષર કરે છે?

હરી ભરી વસુંધરા પર, નીલરંગી ગગન ચિત્રે  છે!

વાદળોના ગાલ થઈ, કોણ આ ચુંબન કરે છે?

પર્વતો ની ટોચ, નભના લલાટ પર રેખાઓ કરે છે!

સરિતાનો ખોળો થઈ, કોણ આ ખેલ ખેલે છે?

રંગબેરંગી ફુલો  પર, ઝાકળથી કવિતા લખે છે!

પારિજાત ને ગુલાબ થઈ, કોણ આ બગીચામાં મહેંકે છે?

સર્વ જીવોને સર્વોત્તમ આપી, જીવનું પોષણ કરે છે!

હંમેશા જગન્નાથ થઈ, કોણ આ મહેર કરે છે ???

💕ચાહત💕