એવાં નીકળે...

એવાં નીકળે...

મળે જો પ્રીત જીવનમાં, 

એનાં રંગ એટલાં ઘાટાં ઉતરે,

બનીને કફન, પોઢી જાય સંગ, 

એટલાં એ પાકાં નીકળે!

મળે જો દોસ્ત, 

મિત્રતા નાં સોદાં એટલાં સાચાં નીવડે,

શ્રી કૃષ્ણ ને સુદામા પણ, 

જોવા આ યુગમાં ફરી  પાછાં નીકળે!

મળે જો દોલત જીવનમાં, 

અમીરીનાં સિક્કા એટલાં ખરાં નીકળે,

ફકીરો પણ, દુહાઈ દે અમીરીની, 

એવા બે ચાર કિસ્સા નીકળે!

મળે જો તરવા “ચાહત”ના દરિયામાં,

 લાગણીનાં મોજાં બે ચાર એવાં ઉછળે,

ડુબીને પણ, તરી જવાય જીવનમાં, 

બસ પ્રેમનાં બે પળ, એવાં નીકળે!!!

💕ચાહત💕