પ્રેમ, આને પણ કહેવાય છે...

પ્રેમ, આને પણ કહેવાય છે...

શબ્દો વગર, આંખોથી પણ અનુભવાય છે,

પ્રેમ, આને પણ કહેવાય છે!

વિચારોમાં, તાદાત્મ્ય સાધી લેવાય છે,

ને, મનથી અનુભૂતિ કરાય છે,

 પ્રેમ, આને પણ કહેવાય છે!

વગર કહ્યે દિલ, સઘળું સમજી જાય છે,

એકની પીડા, બીજાની આંખમાં દેખાય છે,

પ્રેમ, આને પણ કહેવાય છે!

મનગમતી વાનગી, વિના કહયે જમાડી દેવાય છે,

ને, અમીનાં ઓડકારથી, હૈયું ધરાય જાય છે,

પ્રેમ, આને પણ કહેવાય છે!

જોજનો દુર રહેવાં છતાં, મન કળી જવાય છે,

એકની તકલીફે, બીજાંની ઉંઘ હરામ થઈ જાય છે,

પ્રેમ, આને પણ કહેવાય છે!

એક શબ્દ ઉપર, જાન ન્યોછાવર કરી દેવાય છે,

ને, દુનિયા આખી, એનામાં પુરી થઈ જાય છે,

પ્રેમ, આને પણ કહેવાય છે!

પ્રણામ હજારો ભગવાનને ચરણે, કરાય છે,

ને, “ચાહત” નાં નામે, દિલમાં ફક્ત એને પુંજાય છે,

પ્રેમ, આને પણ કહેવાય છે!!!

💕ચાહત💕