💕ચાહતની 💕કલમેથી...✍️: નથી હોતી...

બુધવાર, 18 નવેમ્બર, 2020

ઘણીય વેદનાઓ, હોય છે મનમાં,

બધીજ ચહેરાં પર, કદી દેખાતી નથી હોતી,

દરેક ચહેરાને છુપાવવાની કળા,

આમ, હસ્તગત નથી હોતી!

હજારો નિષ્ફળતા, મળી હોય છે જીવનમાં,

બધાંજ પ્રયત્નોમાં, કદી યારી નથી હોતી,

દરેક માણસની સહનશક્તિ,

આમ, એકસરખી નથી હોતી!

ઘણીયે ઈચ્છાઓ, રમતી હોય છે મનમાં,

બધીજ અતૃપ્ત ઈચ્છાઓ, કદી પુર્ણ થતી નથી હોતી,

દરેક હસ્ત રેખાઓ હાથમાં,

આમ, સફળતાની નથી હોતી!

ઘણીયે લાગણીઓ, હોય છે સંબંધોમાં,

બધીજ લાગણીઓમાં કાયમ, “ચાહત” નથી હોતી,

દરેક જણની નિભાવવાની તૈયારી,

આમ, એટલી ખાસ નથી હોતી!

💕ચાહત💕

💕ચાહતની 💕કલમેથી...✍️