મળે...

 મળે...

શોધીએ જો વિશ્વાસથી, ઈશ્વરનુંયે ઘર મળે,

શ્રધ્ધા ના દીવડામાં, બળતું જળ મળે!

પથ્થર એક કંડારતાં, આકાર સરસ મળે,

જરુરત પ્રમાણે એ, કબર કે મુર્તી માં મળે!

છોડ એક રોપતાં, ફળ ફુલ એનાં મળે,

કાપી નાંખતાં એને, ઉપવન સિમેન્ટનાં મળે!

વિશ્વાસ એમજ મૂકતાં, પરિણામ માઠાં મળે,

સ્વજનો કાયમ, ધીરજ અજમાવતાં મળે!

લાગણીઓ હૃદયમાં, ઢગલાબંધ જોવા મળે,

વહી જાય ત્યાં, જ્યાં યોગ્ય ઢાળ મળે!

જીવન મંચ પર, કલાકાર ઝાઝા મળે,

નાટક ભજવવા કરતાં, ટીકા કરતાં વધુ મળે!

ચહેરાંઓ ઉપર જોવા, ભાવ જાતજાતના મળે,

દરેક ચહેરાં, નવી વાર્તા કહેતાં મળે!

જિંદગીમાં અનુભવ, વિવિધ જાતનાં મળે,

ખરી “ચાહત” થી જીવતાં લોકો , 

બહુ ઓછાં મળે!!!

💕ચાહત💕