હે, પ્રભુ તું, એ મને બતાવ...

 

હે, પ્રભુ તું, એ મને બતાવ...

અંધકાર ચોમેર, જ્યારે ઘેરાય વળે,

ત્યારે, આશાનું કિરણ, કેમ મળે,

હે, પ્રભુ તું, એ મને બતાવ!

બાર સાંધુ જ્યારે, ત્યાં તુટે તેર,

ત્યારે, જીવન કેમ કરી સાંધુ,

હે, પ્રભુ તું, એ મને બતાવ!

હિંમત હારી, જ્યારે માથે દઈ બેસું હાથ,

ત્યારે, ધીરજ ધરી, કેમ જીવવું સૌની સાથ,

હે, પ્રભુ તું, એ મને બતાવ!

ચારે દિશાઓ, જ્યારે ભુલાવી દે માર્ગ,

ત્યારે, સાચે રસ્તે, કેમ જવું કરી સંગાથ,

હે, પ્રભુ તું, એ મને બતાવ!

ખરાબ સમયમાં, જ્યારે પડછાયો પણ, છોડી દે સાથ,

ત્યારે, કેમ કરી સમજાવું, મારી જાત,

હે, પ્રભુ તું, એ મને બતાવ!

નફરતથી ને ઈર્ષા, જ્યારે ભુલાવી દે, મારી સાન,

ત્યારે, “ચાહત” થી, કેમ કરું જગ પર રાજ,

હે, પ્રભુ તું, એ મને બતાવ!!

💕ચાહત💕