કદાચ...

 કદાચ...

દીવો બુઝાય ત્યારે જ, વધુ તેજ આપે,

એ દીવાની અવધિ, કદાચ ટુંકી પણ હોય!

સુરજ આથમે ત્યારે જ, પડછાયો લાંબો હોય,

એ કહેવત, કદાચ ખોટી પણ હોય!

અફવા હોય ત્યારે જ, બજાર ગરમ હોય,

એ વાત, કદાચ હકીકત પણ હોય!

સંબંધોમાં નામ હોય ત્યારે જ, અર્થ હોય,

એ સંબંધ, કદાચ અનામી પણ હોય!

કિસ્સાઓ હોય ત્યારે જ, જિંદગી રંગીન હોય,

એ કિસ્સા, કદાચ આમજ યાદગાર પણ હોય!

વાત બીજાંની હોય ત્યારે જ, સાંભળવાં કાન અધીરાં હોય,

એ વાત, કદાચ કોઈ આપણી ખાનગી પણ હોય!

દિલમાં ઊંડા જખમ હોય ત્યારે જ, રચના ભાવનાશીલ હોય, 

એ જખમ, કદાચ કોઈ અધુરી “ચાહત” પણ હોય!

રસ્તાઓ સુમસામ હોય ત્યારે જ, કર્ફ્યુ હોય,

એ સન્નાટો, કદાચ “કોરોના” નો પણ હોય!!

💕ચાહત💕