બાળપણ, આમ ભુલાઈ ગયું છે...

બાળપણ, આમ ભુલાઈ ગયું છે...

પાટી પેન લઈ, શાળામાં શીખતું બાળપણ, 

મોબાઈલ માં કેદ, જડ્યું છે!

યુનિફોર્મ માં, સજાતું બાળપણ,

એક, ઓરડામાં બંધ પડ્યું છે!

બકોર પટેલ ને, મિયાં ફુસકી વાંચતું બાળપણ,

ઈન્ટરનેટ ની લપમાં, ભરાઈ પડ્યું છે!

પિપરમિંટ થી, લલચાતું બાળપણ,

પિત્ઝા માં, ક્યાંક ખવાઈ ગયું છે!

ગિલ્લી દંડાથી, રમતું બાળપણ,

પ્લે સ્ટેશન માં, જડાઈ ગયું છે!

દોસ્તો સાથે, ભમતું બાળપણ,

ફ્રેન્ડ રિક્વેસ્ટ માં, સ્વીકારાઈ ગયું છે!

કિટ્ટા બુચ્ચા ને, અબોલામાં રીસાતું બાળપણ,

બ્લોક ને અનબ્લોક માં, ભરાઈ પડ્યું છે!

મિત્રોને ખરા દિલથી ચાહતું, બાળપણ,

વોટ્સેપ ની “ચાહત”માં, ભુલાઈ ગયું છે!!

💕ચાહત💕