સ્વભાવ છે...

 

સ્વભાવ છે...

વદ અને સુદ, એ તો, 

આંખોનો આભાસ છે,

શીતળ ચાંદની, તો, 

ચંદ્ર નો સ્વભાવ છે!

પાપ અને પુણ્ય, એ તો, 

કર્મો નો હિસાબ છે,

સારું આચરણ, તો, 

મનુષ્યનો સ્વભાવ છે!

સફળતા અને નિષ્ફળતા, એ તો, 

પ્રયત્ન નો પ્રકાર છે,

કાર્યરત રહેવું, તો, 

મનુષ્ય નો સ્વભાવ છે!

શુભ અને લાભ, એ તો, 

ચોઘડિયા નાં પ્રકાર છે,

અંધશ્રદ્ધા ની માન્યતા, તો, 

મનનો સ્વભાવ છે!

સુખ અને દુ:ખ, એ તો, 

જીવનનો પ્રવાહ છે,

મનની સંયમતા, તો, 

મનુષ્યનો સ્વભાવ છે!

અમીરી અને ગરીબી, એ તો, 

જીવનનું ચક્ર છે,

મનની નિશ્ચળતા, તો, 

મનુષ્યનો સ્વભાવ છે!

પ્રેમ અને નફરત, એ તો, 

“ચાહત”નો પ્રકાર છે,

લાગણીશીલતા, તો, 

દિલનો સ્વભાવ છે!!

💕ચાહત💕