કરવાનું શું??

 

કરવાનું શું??

આંખો, આખેઆખી

કોરી રાખી, કરવાનું શું?

થાય ના ભીની, બીજા માટે,

જીવીને, કરવાનું શું?

લાગણીઓ નું ગણિત છે પાકું,

સરવાળા કરીને, જીવાય, 

વાતે વાતે, સંબંધોની,

બાદબાકી કરી, કરવાનું શું?

બે હાથે, તો તાળી પડાય,

એક હાથે, આંગળી ચીંધી,

પોતાનો દોષ, બીજાને આપી,

જાતને છાવરી, કરવાનું શું?

પથ્થર કંડારીને, મુર્તી બનાવાય,

શ્રધ્ધા કેરા, દીપ જલાવાય,

ડગલે ને પગલે, પથ્થર થઈ, 

એકબીજાને નડી, કરવાનું શું?

ભૂખ્યા જનો નો, જઠરાગ્નિ ભંગાય,

અન્ન દાન, મહા દાન ગણાય,

અન્નને બગાડી, એંઠું મુકી, 

દાન પુણ્ય, કરવાનું શું?

પર્યાવરણ નું, જતન કરાય,

હવા પાણીને, શુદ્ધ રખાય,

વૃક્ષો કાપી, પર્યાવરણ બચાવવાની,

બૂમો પાડી, કરવાનું શું?

લાગણી વસે, તસ્વીર બનીને,

“ચાહત” મળે, દુઆઓ માંગીને,

આંસુ, બની એ વહી જાય તો,

હૃદયને, આઘાત આપી, કરવાનું શું??

💕ચાહત💕