હજુ નડે છે...

હજુ નડે છે...

ઊત્તરાયણ પતી ગઈ, 

પણ દોરી હજુ નડે છે,

ફાટેલાં પતંગ પર, 

ચહેરાયેલું નામ, હજુ નડે છે!

ઢળતી સાંજ અને,

 આથમતાં સુરજની લાલિમા,

વિતેલાં વરસોની, 

અમુલ્ય યાદ થઈ, હજુ નડે છે!

માસૂમ એ બાળપણ અને, 

નિર્દોષ એવું હાસ્ય,

કાગળની હોડી અને, 

વરસાદ, થઈ હજુ નડે છે!

ખાટાં મીઠાં અનુભવો, 

અને સ્નેહ નો સંગાથ,

જુદા જુદા ચહેરાંઓની, 

વિવિધ જાત થઈ, હજુ નડે છે!

ફુલોની નજાકત અને, 

શબનમી એ પાંદડીઓ,

સુગંધ તારી, દિલ પર,

જખમ થઈ, હજુ નડે છે!

કદી “ચાહત”તો કદી નફરતથી, 

જીવાય છે જિંદગી,

વિવિધતા સભર સ્વભાવ, 

માણસ થઈ, હજુ નડે છે!!

💕ચાહત💕